BREAKING NEWS

သခွား⁠မွှေးစိုက်ပျိုးနည်း

မြန်မာအမည်                 – သခွားမွှေး

အင်္ဂလိပ်အမည်              – MUSKMELON

ရုက္ခဗေဒအမည်             – Cucumis melo

မျိုးရင်းအမည်                – CUCURBITACEAE

မူရင်းဒေသ

အိန္ဒိယနိုင်ငံဖြစ်၍ သခွားမွှေးအား Cantaloupe ဟုလည်းလူသိများကြသည်။ အမေရိကတိုက်၊ အာရှမိုင်းနားဒေသနှင့်မြေထဲ ပင်လယ် ဒေသတို့တွင် စီးပွားဖြစ်တွင်ကျယ်စွာ စိုက်ပျိုးကြသည်။

အမျိုးအစား

အသီးပုံသဏ္ဍာန်မှာ အလုံးပုံ၊ ဘဲဥပုံ၊ လုံးရှည်ပုံဟူ၍ အမျိုးမျိုးတွေ့ရပြီး အသီးခွံအရောင်မှာ အစိမ်းအနု၊ အရင့်၊ အဖြူရောင်၊ အ၀ါရောင်၊ ဆင်စွယ်ရောင် စသည်ဖြင့် တွေရပါသည်။ အသီးခွံသည် ပြောင်ချောရှိသလို ပိုက်ကွန်သဖွယ် အကွက်များမထင်မရှား ပါဝင်သောမျိုးနှင့် အကွက်ပေါ်လွင်ထင်ရှားသော မျိုးအဖြစ်လည်းကောင်း အမျိုးမျိုးတွေ့ရပါသည်။

အကွက်ပေါ်လွင် သိပ်သည်းမှုပေါ် မူတည်၍ ဈေးကွက်တွင် ကြိုက်နှစ်သက်မှုကွဲပြားကြောင်းတွေ့ရပါသည်။ အဘယ်ကြောင့်ဆိုသော် ပြောင်းလဲတိုးတက်နေသော လူနေမှုအဆင့်အတန်းအရ အကွက်လှသော သခွားမွှေးအား လက်ဆောင်အဖြစ် ပေးသောဓလေ့ ထွန်း ကားလာခြင်းကြောင့်ဖြစ်ပါသည်။ အတွင်းသားအရောင်မှ အဖြူရောင်၊ ဖြူစိမ်းရောင်၊ ဆင်စွယ်ရောင်၊ လိမ္မော်နီရောင်၊ အစိမ်းရောင်ဟု အမျိုးမျိုးကွဲပြားလျက်ရှိပြီး ဖြူစိမ်းရောင်မှ ဈေးကွက်တွင်ဝယ်လိုအား အများဆုံးဖြစ်ပါသည်။

သခွားမွှေးတွင် ပါဝင်သော အစေ့များမှ အလယ်ဗဟိုချက်တိုင်တွင် တစ်စုတစ်ဝေးတည်း တည်ရှိသည့်အတွက် စားသုံးရာတွင် အစေ့ ဖယ်ရှားရလွယ်ကူပါသည်။

လက်ရှိ်ဈေးကွက်မှ ကြိုက်နှစ်သက်သော မျိုးများမှာ အောက်ပါတို့ဖြစ်ပါသည်။

စဉ်                                အမည်              အသီးခွံတွင် အကွက်ရှိမှု                          အတွင်းသား အရောင်

၁။                     Sky Rocket                             ရှိ                                                          ဖြူစိမ်း

၂။                     New Century                           မရှိ                                                        လိမ္မော်နီ

၃။                     Sun Rise                                 ရှိ                                                          လိမ္မော်နီ

၎။                     Sun lady                                  မရှိ                                                        လိမ္မော်နီ

၅။                     Jade Beauty                            ရှိ                                                          ဖြူစိမ်း

၆။                     Jade Jew                                မရှိ                                                        ဆင်စွယ်

၇။                     Emerald Kiji                             ရှိ                                                          ဖြူစိမ်း

 စိုက်ပျိုးသည့်ဒေသ

မြန်မာပြည်အနှံ့အပြားတွင် စိုက်ပျိုးနိုင်သော်လည်း သီးနှံမျိုးသစ်ဖြစ်၍ ရန်ကုန်တိုင်း၊ မန္တလေးတိုင်း၊ ပဲခူးတိုင်းနှင့် ရှမ်းပြည်နယ်တို့တွင် စိုက်ပျိုးကြသည်ကို တွေ့ရပါသည်။

မြေနှင့် ရာသီဥတု

(၂၆ – ၃၀) ဒီဂရီစင်တီဂရိတ်ခန့်တွင် ကောင်းမွန်စွာဖြစ်ထွန်းသည်။ အပူချိန် (၁၀) ဒီဂရီ စင်တီဂရိတ်ထက် ပို၍ မကွာခြားသော ဒေသများ တွင် ကောင်းစွာဖြစ်ထွန်းနိုင်သည်။ pH (၆-၆.၅) ပတ်ဝန်းကျင်တွင် ကောင်းစွာဖြစ်ထွန်းသည်။ ရေစီးရေလာကောင်း၍ ရေသွင်းရေထုတ် လွယ်ကူသော သဲနုန်းမြေများတွင် ကောင်းမွန်စွာဖြစ်ထွန်းနိုင်သည်။

မျိုးစေ့နှုန်း

တစ်ဧကလျှင် မျိုးစေ့နှုန်း (၂၀၀) ဂရမ်သုံး၍ ပျိုးထောင်ပါ။

ပျိုးထောင်ခြင်း

မျိုးစေ့များကို (၅ x ၇) လက်မ ပလပ်စတစ်အိတ် သို့မဟုတ် (၄) လက်မအချင်းရှိ ပလပ်စတစ်ပျိုးခွက် များတွင် ထည့်၍ ပျိုးထောင်ပါ။ ပျိုးမြေသည် မြေဆီအာဟာရ ကြွယ်ဝရန်လိုသည်။ အစေ့ချိန်မှ(၂၅) ရက်မတိုင်မီ ပြောင်းရွှေ့စိုက်ပျိုးနိုင်သည်။ ထိုအချိန်တွင် ရွက်စစ် (၂-၄) ရွက် ပြန့်နေပြီ ဖြစ်သည်။

ပျိုးခင်းတွင် ပိုးမွှားရောဂါ ကျရောက်မှုအခြေအနေကို မျက်ခြေမပြတ် စစ်ဆေးကာကွယ်နှိမ်နင်းပါ။ စိုက်ခင်းပြုပြင်ရာတွင် ရေသွင်းရေထုတ် လွယ်ကူသော သခွားမျိုးရင်းဝင်အပင်များ ဆက်တိုက်မစိုက်ဘဲ (၃) ရာသီခန့် လှပ်ထားသောမြေတွင် စိုက်ဘောင်များဆွဲ၍ စိုက်ပျိုးနိုင် သည်။

စိုက်ပျိုးခြင်း

တန်းကြားပင်ကြား အကွာအဝေးကို (၃ x ၂)ပေ၊ (၄ x ၂)ပေ၊ (၅ x ၂၁/၂)ပေ စသဖြင့် ရာသီဥတုပေါ်မူတည်၍ အမျိုးမျိုး စိုက်ပျိုးနိုင်သည်။ (၃ x ၂)ပေ အကွာအဝေးဖြင့် စိုက်ပျိုးပါက တစ်ဧကလျှင်အပင် (၇၀၀၀)ကျော် ၀င်ဆန့်ပါမည်။

အပင်ကို ပြုစုစောင့်ရှောက်ရာတွင် ပင်စည်ရှိအဆစ် (၁၁) ဆစ်၏ အောက်ရှိအဆစ်တိုင်းမှ ထွက်ရှိသော ဘေးတက်များကို ဖဲ့ပါ။ မူလ ပင်စည်တွင် အဆစ်( ၂၅ –  ၃၀) ဆစ် အပင်အမြင့် (၅-၅.၅) ပေခန့် ရှိချိန်တွင် ခေါင်နှိမ်ပါ။ ဘေးတက်များကို သုံးရွက်ချန်ဖြတ်ပါ။ အဆစ် နံပါတ် (၁၁) မှ စတင်ကာ ထွက်ရှိသည့် ဘေးတက်၏ အဆစ်တိုင်းတွင် အသီးတင်နိုင်သည့် အပွင့်များပါရှိနိုင်ပါသည်။ အဆစ်အမှတ် (၁၁၊၁၂) တွင် အသီးတင်မှုမရှိပါက အဆာရေဆာနှင့်ရာသီဥတု သင့်တင့်မျှတမှုမရှိကြောင်းသိနိုင်ပါသည်။ သို့ပါ၍ အဆစ်အမှတ် (၁၀) အောက်မှ ဘေးဆက်များဖဲ့ချိန်တွင် အစာရေစာလုံလောက်အောင် ကျွေးပေးရန်အရေးကြီးပါသည်။

ပထမဆုံးတင်သည့် အသီးမှစတင်၍ (၃)လုံးပြည့်အထိ အသီးတင်စေပြီးနောက် အသီးမှ တင်းနစ်ဘောလုံးခန့်ရှိချိန်တွင် တစ်ပင်တွင် ယူမည့် အသီးအရေအတွက် ဆုံးဖြတ်၍ အောက်ပါအတိုင်း ဆက်လက်ဆောင်ရွက်ပါ။

  • အသီးကြီးကြီးရပါက တစ်ပင်တွင် တစ်လုံးသာယူပါ။
  • တစ်ပင်တွင် အများဆုံးအသီး (၂) လုံးသာ ယူသင့်ပါသည်။
  • မိမိယူမည့်အသီး၏ ရှေ့မှ ထွက်သော အရွက် တစ်ရွက်သာချန်လှပ်၍ ယင်းကိုင်းအားဖြတ်ပါ။
  • ပြီးလျှင် တစ်ပင်လုံးရှိကျန်အပွင့်အသီးများ အားလုံးချွေပစ်ပါ။ အချို့သခွားမွှေး ပြောင်မျိုးများတွင် အသီးချွေရန်မလိုဘဲ တင်ရှိသော အသီးများအားလုံးယူရန်ဖြစ်သည်။
  • သီးထိုးယင် ကျရောက်တတ်သော စိုက်ခင်းများတွင် အသီး တင်းနစ်ဘောလုံးခန့်ရှိချိန်မှစ၍ သတင်းစာစက္ကူအိတ်ဖြင့် စွတ်ပေးခြင်းဖြင့် အသီးပျက်စီးမှု မဖြစ်ပေါ်နိုင်ပါ။

မြေသြဇာကျွေးနည်း

ပြောင်းရွှေ့မစိုက်မီ တစ်ဧကတွင် မြေခံအဖြစ် မဖြစ်မနေထည့်သွင်းရန် နှုန်းထားမှာ အောက်ပါအတိုင်းဖြစ်ပါသည်။

ယူရီးယား                –                       ၁၀၂ ပေါင် (၂) အိတ်

တီစူပါ                     –                       ၁၁၂ ပေါင် (၁) အိတ်

ပိုတက်ရှ်                  –                       ၁၁၂ ပေါင် (၁) အိတ်

ပန်းစပွင့်ချိန်တွင် တစ်ကြိမ်နှင့် အသီးတင်ပြီး (၁၀)ရက်ခန့်တွင် တစ်ကြိမ် တစ်ဧကတွင် စုစုပေါင်းယူရီးယား (၂) အိတ်၊ တီစူပါ (၁) အိတ် နှင့် ပိုတက် (၁) အိတ်တို့ကို ထပ်မံကျွေးရန်လိုအပ်ပါသည်။

ပိုးမွှားရောဂါ ကာကွယ်နှိမ်နင်းခြင်း

ဘူးဖရုံကျိုင်း(၀ါနီရောင်) ၊ Thrips များ၊ သစ်သီးယင်များ ကျရောက်မှုကို အများဆုံးတွေ့ရပါသည်။ ပိုးသတ်ဆေးများအဖြစ် Cypermethrin, Cymbush, Decis, Nuvacron စသည်တို့ကို ရေအဆ (၄၅၀) ရောကာ (၅)ရက် တစ်ကြိမ် ပက်ဖျန်းခြင်းဖြင့် ကာ ကွယ်နိုင်ပါသည်။

ရောဂါအနေဖြင့် ရွက်ညိုပျောက်ရောဂါ၊ သံချေးရောဂါ၊ ပင်စည်နှင့် သီးပုပ်ရောဂါတို့ကျရောက်တက်သဖြင့် Topsin,Deconil, Ridomyl တို့ကို ရေအဆ (၇၀၀) နှင့်ရော၍ (၅) ရက် တစ်ကြိမ် အလှည့်ကျ ပက်ဖျန်းကာကွယ်နိုင်ပါသည်။

ဆွတ်ခူးခြင်း

ပန်းပွင့်ပြီး (၃၅ – ၄၇) ရက်တွင် အသီးညှာထိပ်ရှိ နှာမောင်းများခြောက်လာမည်။ ရပ်ဝေးသို့ သယ်ယူမည်ဆိုပါက ထိုအချိန်တွင် ခူးဆွတ် ရန် လိုအပ်ပါသည်။ စိုက်ခင်းမှ ဈေးကွက်သို့ အချိန်တိုတိုနှင့် ရောက်ရှိနိုင်မည် ဆိုပါက သီးညှပ်တ၀ိုက် အ၀ါရောင်သန်းချိန် အနံ့ စတင် ထွက်ပေါ်လာချိန်တွင် ခူးဆွတ်ခြင်းနှင့် အရည်အသွေးမြင့်မားသောအသီးကို ဒဏ်ရာရခြင်းမှ ကာကွယ်ရန် သတင်းစာဖြင့်ထုတ်ပိုးပို့ ဆောင်ရန်လိုအပ်ပါသည်။

စိုက်ပျိုးသုတ ပစ္စယ (Pissaya Info)





Leave a Reply

Your email address will not be published. Required fields are marked *