ကုလားပဲစိုက်ပျိုးနည်း⁠နှင့်အထွက်တိုးရန်⁠ဆောင်ရွက်ရမည့် အဓိကလုပ်ငန်းများ

ကုလားပဲအထွက်တိုးရေး လိုက်နာဆောင်ရွက်ရမည့် အဓိကလုပ်ငန်းများ

– အောင်မြင်သောမျိုးကောင်းမျိုးသန့်ကိုသုံးပါ။
– တစ်ဧကလျှင် ကုလားပဲမျိုး ၁ တင်းအသုံးပြုပါ။
– ထယ်ရေးနက်နက်နှင့် ထွန်ရေးညက်အောင် လုပ်ပါ။
– ပဲမြစ်ဖုဇီဝမြေသြဇာ ၁ ပေါင်ကို မျိုးစေ့နှင့်အတူရော၍ ထည့်ပါ။
– သဘာဝမြေသြဇာ ပြုလုပ်သုံးစွဲပါ။
– ဓာတ်မြေသြဇာအချိုးကျသုံးစွဲပါ။
– အတန်းလိုက် အစိုဓာတ်အချိန်မီစိုက်ပျိုးပါ။
– ပေါင်းမြက်နှိမ်နင်းပေးပါ။
– ပိုးမွှားရောဂါကာကွယ်နှိမ်နင်းပါ။
– အလေအလွှင့်နည်းအောင်နှုတ်သိမ်းသိုလှောင်ပါ။

ကုလားပဲ စိုက်ပျိုးနည်း

မြေအမျိုးအစား

( က ) ကုလားပဲသီးနှံသည် မြေချဉ်ငံဓာတ် ၆ . ၅ မှ ၈.၅ ကြားရှိ နုန်းစနယ်၊ သဲနုန်း၊ စနယ်မြေနှင့် သဲဆန်စနယ်မြေတို့သည် အသင့်တော် ဆုံး ဖြစ်ပါသည်။
( ခ ) လေ၀င်လေထွက်ကောင်းပြီး အစိုဓာတ်ထိန်းသိမ်းသော မြေမျိုးဖြစ်ရမည်။
( ဂ ) မြေသားကောင်းပြီး၊ မြေသားနက်၍ ရေ၀ပ်ခြင်းမရှိသော မြေမျိုးတွင် သီးနှံ ပိုမိုအောင်မြင်ဖြစ်ထွန်းပါသည်။
( ဃ ) ဆားငန်သည့် မြေနှင့် ထုံးဓာတ်ကဲသည့် မြေမျိုးကို ခံနိုင်ရည်ရှိမှု နည်းပါသည်။

ရာသီဥတု

သီးနှံစိုက်ပျိုး၍ ရှင်သန်နေချိန်တွင် ခြောက်သွေ့ပြီး အေးသောရာသီဥတုရှိရန်လိုအပ်ပါသည်။ အသင့်တော်ဆုံးအပူချိန်မှာ ၅၀ံ မှ ၈၅ံ ဖာ ရင်ဟိုက် ( ၁၀ံ- ၂၉ံ စင်တီဂရိတ်) အတွင်းဖြစ်ပါသည်။ သီးနှံသက်တမ်းတစ်လျှောက် မိုးရေချိန် ၁၀ မှ ၂၀ လက်မခန့်နှင့်ညီမျှသော အစိုဓာတ် အခြေအနေ ရရှိလျှင်ကောင်းစွာဖြစ်ထွန်းပါသည်။

မျိုးစေ့ရွေးချယ်ခြင်းနှင့် ပြုပြင်ခြင်း

( က ) လုံးပိန်၊ လုံးညှပ် ပိုးထိုးသည့် မျိုးစေ့များ အသုံးမပြုရပါ။
( ခ ) အပင်ပေါက် ၈၀ – ၉၀ % ပေါက်သည့်မျိုးစေ့ကိုသာ အသုံးပြုပါ။
( ဂ ) ကုလားပဲမျိုးစေ့ ၁ တင်းလျှင် မြေတွင်းအောင်း ပိုးသတ်ဆေး အော်ဒရင်း ( ခေတ်မီပိုးသတ်ဆေး) ဆေးမှုန့် ၁ – ၂ ပေါင်နှင့် လူးနယ်ပြီး စိုက်ပါ။
မျိုးစေ့နှုန်း

တစ်ဧကလျှင် ကုလားပဲမျိုးစေ့ ၁ တင်းအသုံးပြုပါ။ ( ၁၂ ပြီ မှ ၁၆ ပြီ )

စိုက်ပျိုးချိန်

ခြောက်သွေ့၍ အေးသောရာသီဥတုနှင့် နေ့တာတိုရာသီဥတုကိုကြိုက်၍ မိုးနှောင်းအကုန် ဆောင်းရာသီဝင်လဖြစ်သည့် သတင်းကျွတ် နှင့် တန်ဆောင်မုန်းလများတွင် စိုက်ပျိုးနိုင်ပါသည်။

သီတင်းကျွတ်လထက်စောစိုက်ပါက ခါးရိ ရောဂါကျရောက်တတ်ပြီး တန်ဆောင်မုန်းလထက်နောက်ကျ၍ စိုက်ပျိုးပါက နေ့တာတိုလွန်း၍ အပင်ဖြစ်ထွန်းမှုအားနည်းပြီး ပန်းပွင့်ချိန် စောလာကာ အထွက်နှုန်းကျဆင်းတတ်ပါသည်။

( က ) ကုန်းပိုင်းစိုက် ဧရိယာများအတွက် အောက်တိုဘာလအတွင်း အပြီး စိုက်ပါ။
( ခ ) ရေ၀င်ပိုင်း စိုက်ဧရိယာများအတွက် နိုဝင်ဘာလအတွင်း တတိယပတ်အထိ စိုက်ပျိုးပါ၊ ရေကျမှုပေါ်မှုတည်၍ စိုက်ချိန်စောခြင်းနှင့် နောက်ကျခြင်းတို့ ဖြစ်နိုင်ပါသည်။

မြေပြုပြင်ခြင်း

( က ) ထယ်ရေးနက်နက်နှင့် ထွန်ရေးညက်ညက်ဖြင့် ထယ်ရေးကောင်းရသည် အထိဆောင်ရွက်ပေးပါ။
( ခ ) ရေ၀င်ပိုင်းဒေသများတွင် ဆောင်းသီးနှံရိတ်ပြီးလျှင်ပြီးချင်း ထယ်တစ်စပ် ခံထားပါ။
( ဂ ) အထက်ပါအတိုင်း ဆောင်ရွက်ခြင်းအားဖြင့် ပေါင်းမြက်ကင်းခြင်း၊ မြေတွင်းအောင်းပိုးများ မြေတွင်းမှ အပေါ်သို့လှန်ပေးသဖြင့် သေကြေပျက်စီးစေခြင်းနှင့် ရေ၀င်လာသောအခါ ထယ်စာခဲများကြားတွင် နှုန်းများတင်ရစ်ခြင်းတို့ ဖြစ်စေပါသည်။
( ဃ ) ထယ်ရေး၊ ထွန်ရေးပြုပြင်ရာတွင် အစိုဓာတ်မှီအောင်အချိန်မီ စိုက်ပျိုးနိုင်အောင်ဆောင်ရွက်ပါ။

စိုက်ပျိုးစနစ်

ကုလားပဲသီးနှံကို စပါးသီးနှံမရိတ်မှီ သီးကြိုအဖြစ်ကြဲပက်စိုက်ပျိုးပါက ထွန်ယက်မြေပြုပြင်ရန်မလိုဘဲ စပါးမရိတ်မီ ၁၀ ရက် ၁၅ ရက် ခန့်အလိုတွင် တစ်ဧက မျိုးစေ့ ၁၀ပြီနှုန်း အသုံးပြု၍ ကြဲပက်စိုက်ပျိုးနိုင်ပါသည်။ သတိပြုရမည့် အချက်မှာ စပါးခင်းအတွင်းရှိ အစိုဓာတ် မများလွန်း၊ မနည်းလွန်းသောအချိန်တွင် ကြဲပက်ရမည်။ အစိုဓာတ်များပြီး စပါးခင်းရေ၀ပ်နေလျှင် မျိုးစေ့များပျက်စီးပြီး အပင်မပေါက်နိုင်၊ အပင်ပေါက်လျှင်လည်း ခါးရိသေနိုင်သည်။ အစိုဓာတ်နည်းလျှင် အပင်ပေါက်ညံ့ပြီး အပင်ငယ်ကြီးထွားမှု ကောင်းမွန်မည် မဟုတ်ပါ။
( က ) တတန်း နှင့်တတန်း ၁ ပေ၊ တပင်နှင့်တပင် ၆ လက်မ ခွာစိုက်ပါ။
( ခ ) မျိုးစေ့ချထွန်မသုံးနိုင်သော ဒေသများတွင် ထယ်ဖြင့် ၁ ပေကြောင်းပေးပြီး အတန်းလိုက်စိုက်ပျိုးပါ။
( ဂ ) တစ်ဧကအပင်ဦးရေ ၈၇၁၂၀ ၀င်အောင်စိုက်ပျိုးပါ။
( ဃ ) မျိုးစေ့ချရာတွင် မျိုးစေ့များ ၂ လက်မ ၊ ၂ လက်မခွဲ ထက်ကျော်၍ မနက်စေရပါ။
( င ) မျိုးစေ့ချပြီး ကြမ်းတုံးရိုက်ပါ။
( စ ) သီးကြိုစိုက်ပျိုးလိုပါက မြေတွင်အစိုဓာတ်မဆုတ်မီ စပါးမရိတ်သိမ်းခင် ၁၀ – ၁၅ ရက်အလိုတွင် ကြိုတင်၍ ကြဲပက်စိုက်ပျိုးရန်။
( ဆ ) မျိုးစေ့ထုတ်စိုက်ခင်းနှင့် အထူးအထွက်တိုး ကုလားပဲခင်းများတွင် အခြားသီးနှံများ သီးညှပ်အဖြစ် မစိုက်ပျိုးသင့်ပါ။
( ဇ ) စိုက်ပျိုးပြီးနောက် ပေါင်းမြက်အခြေအနေကိုကြည့်၍ ကြားထွန်လိုက်ခြင်း၊ ပေါင်းတူး၊ ပေါင်းလိုက်ခြင်းတို့ကို ပေါင်းကင်းစင်သည့်တိုင်အောင် ဆောင်ရွက်ပေးပါ။
ပေါင်းကြောင့် သီးနှံအထွက်နှုန်း ၃၀ မှ ၅၀ ရာခိုင်နှုန်းထိ အထွက်နှုန်းလျော့နိုင်ပြီး၊ လက်ပေါင်းလိုက်ခြင်းကို အပင်သက်တမ်း ၃၀ ရက်မှ ၆၀ ရက်အတွင်း အထူးသဖြင့် ၄၅ ရက်ဝန်းကျင် ပန်းမပွင့်မီအချိန်တွင် ဆောင်ရွက်ပါက ထိရောက်သည်။
အပင်ပြုစုရာတွင် မြေဆီသြဇာထက်သန်ပြီး အပင်ဖြစ်ထွန်းမှုအားကောင်းပြီး၊ အပင်ဟုန်နေပါက ခေါင်ညွန့်ဖြတ်ခြင်း Topping တို့ပါ ပူးတွဲဆောင်ရွက်သင့်သည်။ ( အထူးသဖြင့် ကိုင်းကျွန်မြေ)

မြေသြဇာ

( က ) ဓာတ်မြေသြဇာ
( ၁ ) တစ်ဧကလျှင် ပုလဲ အိတ်ဝက်နှင့် တီစူပါ အိတ်ဝက်နှုန်း အသုံးပြုပါ။
( ၂ ) တီစူပါမြေသြဇာကို စိုက်ထယ်ရေးပြုပြင်ချိန်တွင် ထည့်ပါ။
( ၃ ) ပုလဲမြေသြဇာကို မစိုက်မီကြို၍ထည့်ပါ။
( ခ ) သဘာဝမြေသြဇာ
( ၁ ) ကုလားပဲတစ်ဧကတွင် အသုံးပြုမည့်မျိုးစေ့နှင့် ပဲမြစ်ဖုဇီဝမြေသြဇာ ပေါင်ဝက်ခန့် မှ ၁ ပေါင်နှု့န်း လူးနယ်၍ စိုက်ပါ။
( ၂ ) သစ်ရွက်ဆွေး မြေသြဇာ ၊ နွားချေး မြေသြဇာကို တစ်ဧကလျှင် လှည်း ၅ စီးခန့်ချပေးပါ။

ပိုးမွှား ရောဂါကာကွယ်နှိမ်နင်းခြင်း

( က ) မိမိ၏စိုက်ကွင်းများတွင် ပိုးမွှားရောဂါကျရောက်မှုရှိ၊ မရှိသိနိုင်ရန် အမြဲတစေကြည့်ရှုနေပါ။
( ခ ) ပိုးမွှား မကျရောက်စေရန် ကြိုတင်ကာကွယ်ပါ။
( ဂ ) ပင်ဖြတ်ပိုး၊ သီးလုံး ဖောက်ပိုးများကျရောက်တတ်သဖြင့် အင်ဒရင်း၊ စီဗင်၊ တီပီအင်န့်အယ်ဆန်၊ ဒိုင်မီခရွန်ဆေးများ( ခေတ်မီပိုးသတ်ဆေး ) ဖြင့် ပက်ဖျန်းကာကွယ်နှိမ်နင်းပေးပါ။
( ဃ ) ကြွက်များကျရောက်ပါက တိုမိုရင်း ကြွက်သတ်ဆေးဖြင့် နှိမ်နင်းပါ။
( င ) အပင်ညှိုးသေရောဂါကျရောက်တတ်သဖြင့် စိုက်ကွက်တွင် ရေမ၀ပ်အောင် အထူးဂရုစိုက်ပါ၊ ၄င်းရောဂါကျ အပင်များတွေ့ရှိပါက နှုတ်ယူဖျက်ဆီးပစ်ပါ။
( ၉ ) ရိတ်သိမ်းခြင်း
( က ) အလေအလွင့်နည်းအောင် ရိတ်သိမ်းပါ။
( ခ ) အရွက်နှင့် အသီးခွံများ ညိုဝါရောင်သန်းလာပါက ရိတ်သိမ်းပါ။

သိုလှောင်ခြင်း

အစေ့တွင်းအစိုဓာတ် ၁၀ ရာခိုင်နှုန်းရှိ ကုလားပဲကိုသာသိုလှောင်သင့်သည်။ သိုလှောင်မည့် နေရာ ပုပ်၊ တောင်း၊ အိတ်၊ ကျီ တို့ကို စစ်ဆေး၍ သန့်ရှင်းအောင်ပြုလုပ်ပေးပြီး ( လိုအပ်ပါက ဆေးဖြန်းခြင်း၊ ဓာတ်ငွေ့မှိုင်းတိုက်ခြင်း ) မှ ထည့်သွင်းသိုလှောင်ရမည်။
ထို့နောက် အပေါ်မှ အ၀တ်ပါးပါးဖြင့်အုပ်ပြီး ပြာတစ်ထပ်၊ သဲတစ်ထပ်ဖြင့် လေလုံအောင်ထပ်မံ ဖုံးအုပ်သိုလှောင်ရပါမည်။

စိုက်ပျိ်ုးသုတ ပစ္စယ (Pissaya_Info)





Leave a Reply

Your email address will not be published. Required fields are marked *