ခန့်မှန်းတန်ဖိုး ⁠ငွေကျပ် ၁ဝ သန်းတန်ဖိုးရှိ တရားမ၀င်ဓာတ်ေ⁠မြ⁠သြဇာ အိတ် ၄၀၀ သိမ်းဆည်းရမိ

 အခုလ ၁၄ ရက်နေ့က မှုဆယ်မှ မန္တလေးသို့ သွားရောက်မယ့် ကုန်တင် ခြောက်ဘီးယာဉ် ၂ စီးကို ရေပူအမြဲတမ်းစစ်ဆေးရေးစခန်း ပူးပေါင်းစစ်ဆေးရေး အဖွဲ့က စစ်ဆေးခဲ့ရာမှာ တရားဝင်စာရွက်စာတမ်း အထောက်အထားတင်ပြနိုင်ခြင်းမရှိတဲ့ တရားမ၀င် ဓာတ်မြေ သြဇာ အိတ် ၄၀၀ ကို ဖမ်းဆီးသိမ်းဆည်းခဲ့ကြောင်း သိရပါတယ်။

သိမ်းဆည်းခဲ့တဲ့ တရားမ၀င်ဓာတ်မြေသြဇာ အိတ် ၄၀၀ ဟာ ကာလခန့်မှန်းတန်ဖိုးငွေကျပ် ၁၀ သန်းခန့်ရှိကြောင်းလည်း သိရပါတယ်။ တရားမဝင် ကုန်စည်များတားဆီးထိန်းချုပ်ရေးအတွက် ရေပူနှင့်မရမ်းချောင် အမြဲတမ်းစစ်ဆေးရေးစခန်းတို့အား ဌာနဆိုင်ရာပူးပေါင်း အဖွဲ့များနဲ့ မတ်လ ၁ ရက်နေ့က စတင် ဖွင့်လှစ်ဆောင်ရွက်နေတာလည်းဖြစ်ပါတယ်။ အဆိုပါ စစ်ဆေးရေးစခန်းများက တင်သွင်း/တင်ပို့ သော ကုန်ပစ္စည်း များကိုစစ်ဆေးမှု ပြုလုပ်ဆောင်ရွက်လျက် ရှိရာ မတ် ၁၄ ရက်တွင် ရေပူ အမြဲတမ်းစစ်ဆေးရေးစခန်းက တားဆီးမှု ၁၃ မှု ခန့်မှန်းတန်ဖိုးငွေကျပ် ၆၈ ဒသမ ၄ဝ သန်းခန့်နှင့် မရမ်းချောင်အမြဲတမ်းစစ်ဆေးရေးစခန်းက တားဆီးမှု လေးမှု ခန့်မှန်းတန်ဖိုးငွေကျပ် ၆ ဒသမ ၁၂ သန်းခန့် စုစုပေါင်း ၁၇ မှု ခန့်မှန်းတန်ဖိုးငွေကျပ် ၇၄ ဒသမ ၅၂ သန်းခန့် သိမ်းဆည်းရမိကြောင်း သတင်းရရှိပါတယ်။

Pissaya Info





Leave a Reply

Your email address will not be published. Required fields are marked *