BREAKING NEWS

စပါးအထွက်တိုးရန်အတွက် ဆစ်ပိုး၊ဖြုတ်ပိုးကို ကာကွယ်ပါ

မြန်မာနိုင်ငံသည် စိုက်ပျိုးရေးကို ပိုမိုဖွံ့ဖြိုးတိုးတက်အောင် ဆောင်ရွက်ပြီး မြန်မာ့တောင်သူ လယ်သမား သီးကြီးဒေါ်ကြီးများသည်လည်း ပြည်တွင်းစားသုံးမှုဖူလုံရန်နှင့် ပိုလျှံရန်အတွက် နွေစပါး၊ မိုးစပါး စဉ်ဆက်မပြတ် စိုက်ပျိုးထုတ်လုပ်ပေးလျှက် ရှိနေပါသည်။

ဆန်စပါးသည် ကမ္ဘာ့လူသားအများစု နေ့စဉ်စားသုံးသည့်မရှိမဖြစ် အဓိကသီးနှံဖြစ်ပါသည်။ လက်ရှိကမ္ဘာ့လူဦးရေ ခုနှစ်ဘီလီယံ၏ ထက်ဝက်ကျော်မှာ ဆန်ကို အဓိကထားစားသုံးလျှက်ရှိကြောင်း ကို သတင်းစာများမှတစ်ဆင့်သိရပါသည်။ ထို့ကြောင့်နိုင်ငံတိုင်းကလည်း ဆန်စပါးပိုမိုထွက်ရှိရေးကို ကြိုးပမ်းလျှက် ရှိနကြေသည်။

မြန်မာနိုင်ငံအနေနှင့်လည်း ဆန်စပါးပိုမိုတိုးတက်ရေး ထုတ်လုပ်နိုင်ရေးတို့အတွက် ခေတ်နှင့် အညီ စက်မှုလယ်ယာစနစ်သို့ ကူးပြောင်းရေး၊ မျိုးကောင်းမျိုးသန့်များအစားထိုးသုံးစွဲရေး၊ တစ်နှစ်ပတ် လုံး စိုက်ပျိုးရေ စဉ်ဆက်မပြတ်ရရှိရေး၊ သုတေသနနှင့် ဖွံ့ဖြိုးတိုးတက်ရေးတို့ကို ဆောင်ရွက်ပေးလျှက် ရှိသည်။

ကျေးလက်ဒေသနေ မြန်မာ့တောင်သူလယ်သမားကြီးများသည်လည်း ဆန်စပါးစိုက်ပျိုးထုတ် လုပ်မှု တိုးတက်လာစေရေးနှင့် ဒေသဝမ်းစာဖူလုံရေး၊ တစ်ဧကအထွက်နှုန်းကောင်းရရှိရေးများကို ကြိုးစားဆောင်ရွက်နေချိန်တွင် ဖြစ်ပေါ်လာနိုင်သော ပိုးမွှားရောဂါများကို ကြိုတင်ကာကွယ်သွားကြရန် စိုက်ခင်းများကိုလည်း လုပ်ငန်းဇယားများဖြင့် စီမံဆောင်ရွက်ကာ အမြဲအဆက်မပြတ် စောင့်ကြည့် ဆောင်ရွက်သွားရန် လိုအပ်ပါသည်။ စပါးစိုက်ပျိုးထုတ်လုပ်ကြရာတွင် စပါးပျိုးခင်းနှင့် စိုက်ခင်းများ အတွင်းသို့ စပါးဆစ်ပိုးနှင့် ဖြုတ်ပိုးများ ကျရောက်ခြင်းရှိ၊ မရှိ အမြဲကွင်းဆင်း စစ်ဆေးဆောင်ရွက် သင့်ပါသည်။ ဖြုတ်ပိုးဆိုရာတွင် စပါးသီးနှံများ၏ သစ်ရည်အာဟာရဓာတ်များကို စုပ်ယူစားသုံးသည့် ဖြုတ်ညို၊ ဖြုတ်စိမ်း၊ ဖြုတ်ဖြူဖြစ်သည့်စုပ်ပိုးများပင် ဖြစ်ပါသည်။ သီးနှံများ၏ အရွက်များကိုပင် စုပ်ယူစားသုံးမှုကြောင့် အပင်ဖြစ်ထွန်းမှုများကို နှေးကွေးစပြေီး အောက်ရွက်များ ဝါလာသည်အထိ ဖြစ်ပေါ်စေနိုင်ပါသည်။

စပါးပျိုးခင်းနှင့် စိုက်ပျိုးခင်းအတွင်းတွင် ဖြုတ်ပိုးနှင့် ဆစ်ပိုးကျရောက်မှု ရှိ၊မရှိကို ပိုးမွှားကင်း ထောင်သည့် နည်းများဖြင့်လည်း ဆောင်ရွက်သွားနိုင်ပါသည်။ဖြုတ်ပိုးအနေနှင့် ကောက်ကွက် တစ်ကွက်လျှင် ငါးကောင်မှ ၁၀ ကောင်အထိတွေ့ရှိခဲ့လျှင် စီးပွားရေးထထိခိုက်သည့်အဆင့်အထိ ရောက်ရှိလာနိုင်ပါသည်။ ဆစ်ပိုးအနဖြေင့်လည်း စပါးအူပုပ်မှု ၁၅ ရာခိုင်နှုန်း မျက်မြင်တွေ့ရှိပါက ဓာတုပိုးသတ်ဆေးများဖြင့်ပက်ဖျန်းကာကွယ်သွားကြရန်လိုအပ်ပါသည်။ ဖြုတ်ပိုးနှင့် ဆစ်ပိုးများ စိုက်ခင်းများအတွင်းတွင် စီးပွားရေးထိခိုက်သည့်အဆင့်သို့ရောက်ရှိခဲ့ပါက ဖျူရာဒါန်နဂျီ တစ်ဧကလျှင် တစ်ကီလိုဂရမ်အထုပ် နှစ်ထုပ်မှ သုံးထုပ်နှုန်းထည့်ပေးပါ။ ပိုးသတ်ဆေးအနေနှင့် ဒိုင်ယာဇီနှုန်း(သို့) ဆိုက်ပါ ပိုးသတ်ဆေး တစ်ဧက ၅၀၀-၈၀၀ စီစီအထိ ပက်ဖျန်းကာကွယ်ပေးပါ။

မနောသုခစပါးမျိုးများသည် စုပ်ပိုးများနှင့် ရောဂါကျရောက်မှုဒဏ်များ ခံနိုင်ရည်မရှိသဖြင့် မနေသုခ စပါးစိုက်ခင်းများကို ဦးစားပေး၍ ပိုးနှင့်ရောဂါ ရှိ၊ မရှိ စစ်ဆေးဆောင်ရွက်သွားကြရန်လည်း လိုအပ်ပါသည်။စပါးစိုက်ခင်းများအတွင်း ပိုးမွှားရောဂါဒဏ်ခံနိုင်စေရန် ပိုတက်ဓာတ်မြသြေဇာ (သို့) ပိုတက်ဓာတ်များပါဝင်သော စက်ဖွဲပြာ၊ စပါးခွံဖွဲပြာ၊ ဂျစ်ပဆန်၊ လချေးကျောက်မှုန့်များ မြေခံထည့်သွင်း သုံးစွဲကြရန်လည်း လိုအပ်လှပါသည်။

ဖြုတ်ပိုးများသည် စပါးပင်များ၏အပင်အောက်ခြေပိုင်းများတွင် နေထိုင်စုပ်စားတတ်သဖြင့် အပင်များ၏အောက်ခြေအပိုင်းများသို့ ပျံ့နှံ့အောင် ပိုးသတ်ဆေးဖျန်းရန်လည်း လိုအပ်ပါသည်။ စပါးဆစ်ပိုင်းဥမြုံများနှင့် စပါးအူပုပ်များ တွေ့ရှိပါကနှုတ်ယူ မီးရှို့သွားရန် လိုအပ်ပါသည်။ မြန်မာတောင်သူလယ်သမားများအနေနှင့်လည်း မိသားစုဝင်ငွေးတိုးစေရေးနှင့် လူမှုစီးပွားဘဝ များတိုးတက်ရေး၊ သီးနှံများစိုက်မျိုးထုတ်လုပ်မှု တိုးတက်မြင့်မားရေးတို့ကို ကြိုးပမ်းဆောင်ရွက်နကြေ ချိန်တွင် သီးနှံများ၏အထွက်နှုန်းကျဆင်းမှု မထိခိုက်စေရေးအတွက် စပါးသီးနှံ၏ ဆစ်ပိုးနှင့် စုပ်ပိုးကျရောက်မှုများကို ကြိုတင်လေ့လာကာ ကာကွယ်နိုင်ရန်အတွက်၊ လိုက်နာဆောင်ရွက်သွားကြ ရန် လိုအပ်ပါကြောင်း ရေးသားလိုက်ရပါသည်။

ရွှေမင်းအောင်( ကျောက်ပန်းတောင်)
အတွဲ (၁၃) အမှတ်(၁၈၇) ဖေဖော်ဝါရီ ၁၅-၂၁၊ ၂၀၁၆ ခုနှစ်





Leave a Reply

Your email address will not be published. Required fields are marked *