BREAKING NEWS

ကြက်သားဈေး ထုတ်လုပ်မှုစရိတ်အောက်ကျ၊ ကြက်ဥ ဝယ်ယူစားသုံးမှု ပုံမှန်ရှိနေ

နိုဝင်ဘာ ၇
လတ်တလော ကိုဗစ်ကာကွယ်ရေးအမိန့်များကြောင့် စားသောက်ဆိုင်နဲ့ ဟိုတယ်လုပ်ငန်းများ နည်းပါးစွာသာ အလုပ်လုပ်နေသေးတဲ့အတွက် ကြက်သားဈေးမှာ ကုန်ထုတ်လုပ်မှုကုန်ကျစရိတ်အောက်ကျဆင်းနေပြီး မွေးမြူသူတွေ တွက်ချေမကိုက်ဖြစ်နေတယ်လို့ သိရပါတယ်။
ရန်ကုန်တွင် ကြက်အရှင်ခြံဖမ်းဈေး တစ်ပိဿာ (၂,၀၀၀) ကျပ် ကျော်သာရှိပြီး မြန်မာနိုင်ငံအထက်ပိုင်းတွင် (၂,၇၀၀) ကျပ် ဝန်းကျင်သာရှိကြောင်း သိရပါတယ်။ ထုတ်လုပ်မှုစရိတ်အနေနဲ့ ငွေကျပ် (၂,၆၀၀) မှ (၂,၈၀၀) ကြားရှိနေတဲ့အတွက် ကြက်ခြံအများစု တွက်ချေမကိုက် ဖြစ်နေကြတာပါ။
“ကိုဗစ်ဖြစ်စဉ်ကတည်းက ကြက်သားဈေးက ကျနေတယ်၊ ရန်ကုန်ဆိုရင်ပိုဆိုးတယ်၊ ခြံဖမ်းဈေး တစ်ပိသာ ကျပ်နှစ်ထောင်ကျော်နဲ့ ရပ်တည်နေတယ်၊ မြန်မာနိုင်ငံအထက်ပိုင်း မန္တလေးတို့လို့ ပတ်ဝန်းကျင်မှာ ကြက်အရှင်ခြံဖမ်း ဈေး တစ်ပိသာ ခန့်မှန်း ကျပ်နှစ်ထောင့်ခုနစ်ရာ ဝန်း ကျင်ရှိပါတယ်” လို့ မြန်မာနိုင်ငံမွေးမြူရေးလုပ်ငန်းအဖွဲ့ချုပ် ဒုတိယဥက္ကဋ္ဌ(၁)ဒေါက်တာ ကျော်ထင်က MOI သို့ ပြောဆိုထားပါတယ်။
ကြက်ဥမှာတော့ ကိုဗစ်စတင်ချိန်ကတည်းက ပုံမှန်စားသုံးမှုရှိတဲ့အတွက် ထုတ်လုပ်မှုစရိတ်အောက်ကျဆင်းခြင်းမရှိဘဲ ပုံမှန်အခြေအနေရှိနေတယ်လို့ သိရပါတယ်။
အသားတိုးကြက်အနေနဲ့ကတော့ လက်ရှိထုတ်လုပ်မှုက စားသုံးမှုထက် ပိုလျှံနေတာကြောင့် ဈေးကျဆင်းနေတဲ့အတွက် အသားတိုးကြက်ထုတ်လုပ်မှုကို မွေးမြူသူရော၊ ကြက်ပေါက်ထုတ်တဲ့ ကုမ္ပဏီဘက်ကပါ အတတ်နိုင်ဆုံး ထိန်းညှိဖို့လိုလာကြောင်း ဒေါက်တာကျော်ထင်က ဆိုပါတယ်။
Ref:MOI





Leave a Reply

Your email address will not be published. Required fields are marked *