BREAKING NEWS

တွက်ခြေကိုက်လို့ စိုက်ပျိုးမှုများလာတဲ့ စပိုက်ဒါသစ်ခွ

ဇူလိုင် ၂၀
စိုက်ပျိုးစရိတ်ကုန်ကျငွေနဲ့ ပြန်ရရှိတဲ့ အကျိုးအမြတ် တွက်ခြေကိုက်တဲ့အတွက် ကော့မှူးမြို့နယ်အတွင်းရှိ ကွမ်းစိုက်တောင်သူတချို့မှာ စပိုက်ဒါသစ်ခွပြောင်းလဲစိုက်ပျိုးနေတယ်လို့ သိရပါတယ်။
ကွမ်းစိုက်ပျိုးတာထက် လူပိုသက်သာပြီး လေလွင့်ဆုံးရှုံးမှုနည်းတဲ့အပြင် တစ်နှစ်စတင်စိုက်ပျိုးပြီးတာနဲ့ အမြဲတမ်းရှင်သန်နေတဲ့ သစ်ခွမျိုးဖြစ်တဲ့အတွက် အကျိုးအမြတ် တွက်ခြေကိုက်ကြောင်း ရန်ကုန်တိုင်းဒေသကြီး၊ ကော့မှူးမြို့နယ်၊ တောင်‌ချောင်ရွာမှာ သစ်ခွစိုက်ပျိုးသူ ဒေါ်သန်းစိန်က ဆိုပါတယ်။
စပိုက်ဒါသစ်ခွအပင်များကို ဇွန်လ၊ ဇူလိုင်လတွေမှာ စတင်စိုက်ပျိုးနိုင်ပြီး နိုဝင်ဘာလမှာ အဖူးထွက်ကာ ဒီဇင်ဘာလ၊ ဇန်နဝါရီလတွေမှာ ပန်းတွေကို စတင်ခူးဆွတ်ပြီး ရောင်းချနိုင်တယ်လို့ သိရပါတယ်။
“အခက်အတိုင်း ရောင်းရတာပါ။ တစ်ခက်မှာ ဖူးတံရှည်ရင် ဆယ်ပွင့်၊ အပွင့်နှစ်ဆယ် ပွင့်တယ်။ ဖူးတံတိုရင်တော့ ငါးပွင့်၊ ခြောက်ပွင့် ပွင့်တယ်။ အခက်မှာပါတဲ့ အပွင့်အရေအတွက်အတိုင်း ဈေးရတယ်။ တစ်ပွင့်ကို ခုနှစ်ကျပ်ဆို ဆယ်ပွင့်ပါတဲ့အခက်ကို ခုနှစ်ဆယ်ကျပ်နဲ့ ရောင်းတာပါ” လို့ ဒေါ်သန်းစိန်က MOI သို့ ပြောဆိုထားပါတယ်။
Ref: MOI / Photo: May Nwe Aye





Leave a Reply

Your email address will not be published. Required fields are marked *