BREAKING NEWS

ကြံမြှုပ်ချေးသဘာဝမြေသြဇာ ပြုလုပ်သုံးစွဲနည်း

ကြံမြှုပ်ချေး အခြေခံသဘာဝမြေသြဇာထုတ်လုပ်သုံးစွဲနည်း

  • သကြားချက်စက်ရုံမှ ဘေးထွက်ပစ္စည်းကြံမြှုပ်ချေးများကို စုယူပါ။
  • ကြံသကာချက်ဖိုမှ ထွက်သော အမြှုပ်နှင့် ကြိတ်ဖက်များကို စုယူ၍လည်း အသုံးပြုနိုင်ပါသည်။
  • ယင်းဘေးထွက်ပစ္စည်းများ ဖျော်ရည် သို့မဟုတ် နွားချေးနှင့် သေးရောထားသောဖျော်ရည် သို့မဟုတ် ရေပုပ်နှင့် မိလ္လာရည်များ ပက်ဖျန်း၍ ရောမွှေပါ။
  • အလွှာလိုက်စုပုံ၍ တစ်လွှာပုံပြီးပါက ဖွဲနု၊ နုန်းမြေ၊ ထုံးမှုန့်နှင့် ၊ ကျောက်မှုန့်၊ စပါးခွံပြာ၊ စားဖိုပြာ စသည်များကို ရောနှော၍ ပါးပါး   ဖြူးပေးပါ။
  • လိုအပ်ပါက အစိုဓါတ်လုံလောက်စွာရရှိရန် ရေအနည်းငယ်ပက်ဖျန်းပြီး အပေါ်မှ အမှိုက်၊ ကောက်ရိုး၊ သစ်ရွက်ခြောက်စသည် တို့ဖြင့် ဖုံးအုပ်ပေးထားပါ။
  • တစ်လတစ်ကြိမ် အထက်အောက်လှန်ပေးခြင်းဖြင့် ဆွေးမြေ့ကြေပျက်မှု မြန်ဆန်ပါသည်။
  • ဆွေးမြေ့ကြေပျက်ပြီးနောက် အမှိုက်များကို ဇကာချပါ။
  • ဇကာချပြီးမြေဆွေးမှုန့် (၅) ပေါင် တစ်အိတ်ကျစီအား အောက်ပါဓါတ်မြေသြဇာများ အချိုးကျရောစပ်ပေး၍ သမအောင်မွှေပေးပါ။

အပင်အာဟာရ                               ရောစပ်ရန်ပမာဏ

ယူရီးယား                                     ၆ ပေါင်ခန့်

တီစူပါ                                         ၅ ပေါင်ခန့်

ပိုတက်ရှ်                                      ၄ ပေါင်ခန့်

ဂျစ်ပဆန်                                     ၈ ပေါင်ခန့်

ဇင့်ဆာလဖိတ်                                ၂ ပေါင်ခန့်

အသုံးပြုနည်း

နှံစားသီးနှံအမျိုးမျိုး၊ ပဲမျိုးစုံ၊ နှစ်ရှည်သီးနှံ၊ စက်မှုသီးနှံနှင့် ဟင်းသီးဟင်းရွက်ပန်းမန်များအားလုံးတွင် အသုံးပြုနိုင်ပါသည်။

  • စပါးသီးနှံ တစ်ဧကတွင် မြေပြင်ချိန်တွင် (၂) အိတ်နှုန်း၊ အပင်ဖြစ်ချိန်တွင် (၁) အိတ်နှင့် မှို့ကပ်ချိန်တွင် (၁) အိတ်နှုန်းထည့်သွင်း အသုံးပြုပါ။
  • အခြားသီးနှံများတွင် မြေခံအဖြစ် မြေပြင်ချိန်တွင် တစ်ဧက (၂) အိတ်နှုန်း ထည့်ပါ။
  • အတန်းလိုက်စိုက်သီးနှံများတွင် တစ်ဧက(၂) အိတ်နှုန်း အပင်ခြေတွင် ဖြူးပြီး မြေဖြင့် ဖုံးပေးပါ။
  • ကျင်းစိုက်သီးနှံတွင် တစ်ကျင်းလျှင် နို့ဆီဘူးတစ်ဘူးနှုန်း ထည့်ပေးပါ။
  • ဟင်းသီးဟင်းရွက်များတွင် မြေခံထည့်ပြီးနောက် ပေါင်းသင်မြေဆွချိန်တွင် ထပ်မံထည့်သွင်းနိုင်ပါသည်။

အာနိသင်နှင့် အကျိုးသက်ရောက်မှု

ကြံမြှုပ်ချေး အခြေခံသဘာဝမြေသြဇာတွင် အောက်ပါဓါတ်ပစ္စည်းများ ပါဝင်လျှက်ရှိသည်။

ဓါတ်ပစ္စည်းများ                          ပါဝင်မှုရာခိုင်နှုန်း

နိုက်ထရိုဂျင်                             ၁၀.၆%

ဖော့စပရပ်                               ၄.၇%

ပိုတက်စီယမ်                            ၂.၀%

ကယ်လစီယမ်                           ၃.၀%

ဆာလဖာ                                ၀.၅%

ဇင့်                                        ၀.၂%

သြဂဲနစ်ကာဘွန်                         ၆၃.၀%

အကျိုးကျေးဇူး

အပင်အာဟာရဓါတ်များအပြင် သြဂဲနစ်ကာဘွန်များပြားစွာပါဝင်၍ အောက်ပေါမြေဆီလွှာ ဂုဏ်သတ္တိနှင့် ဓါတ်ဂုဏ်သတ္တိကို တိုးတက်   ကောင်းမွန်စေပါသည်။

  • စေးသောမြေကိုပွစေပြီး ဖွယ်သောမြေကို စေးစေသည်။
  • မြေတွင်းအစိုဓါတ်နှင့် အပူချိန်ကို ထိန်းစေသည်။
  • မြေ၏ အချဉ်ငံဓါတ်ကို သမစေသည်။
  • မြေဆီလွှာအတွင်း အာဟာရဓါတ် ပျက်စီးဆုံးရှုံးမှုကို ထိန်းသိမ်းကာကွယ်သည်။
  • အာဟာရဓါတ်ရရှိမှု အချိန်ကာလကို ကြာရှည်မျှတစေသည်။
  • အနည်းလိုအာဟာရဓါတ်များကိုပါ ဖြည့်တင်းပေးနိုင်သည်။

Source by – လယ်/ဆည်

 

 





Leave a Reply

Your email address will not be published. Required fields are marked *