BREAKING NEWS

အစိုးရသစ်အနေဖြင့် လယ်သများများ၏လယ်ယာပိုင်ဆိုင်မှုအခွင့်အရေးကို ဦးစားပေးဆောင်ရွက် ရန်လိုအပ်

အစိုးရသစ်အနေဖြင့် လယ်သမားများ၏လယ်ယာမြေပိုင်ဆိုင်မှုအခွင့်အရေးများနှင့် ပတ်သတ်၍ အထူးဂရုပြုအလေး                            ထား ကာဆောင်ရွက်ပေးရန် လိုအပ်နေပါသည်။ ယခင်အစိုးရလက်ထက်များတွင် လယ်သမားများ၏ ပိုင်ဆိုင်ရရှိမှု အခွင့်အရေး နည်းပါး ခဲ့သဖြင့် လယ်သမားများ၏ဘ၀များမှာများစွာ နိမ့်ပါးခဲ့သည့်အပြင် လူ့အခွင့်အရေးဆုံးရှုံးနစ်နာခဲ့သည့် အမှုအခင်းများဖြစ်ပေါ်ကာ အသက်ဆုံးရှုံးခဲ့ မှုများလည်း ရှိခဲ့သည့်အတွက် မြေယာပိုင်ဆိုင်မှုမှာ အထူးအရေးပါသည့် ကိစ္စရပ်တစ်ခုဖြစ်နေပါသည်။

လယ်သမားများအတွက် လယ်ယာမြေလုပ်ကိုင်စားသောက်ရန်အတွက် ပေါင်နှံခွင့်၊ လွှဲပြောင်းပေးခွင့် ရရှိနိုင်မည့် ပုံစံ (၇)မှာ အသက်တမျှ အရေးကြီးသော်လည်းတစ်နိုင်ငံလုံးအတိုင်းအတာဖြင့် ဖြစ်ပွားထားသည့် မြေယာအငြင်းပွားမှုဖြစ်စဉ်များအပါအ၀င် တခြားအကြောင်း အရင်းများကြောင့် လယ်သမားများလက်ထဲတွင် ရောက်ရှိခြင်းမရှိကြောင်းသိရသည်။ ပုံစံ (၇) သည် လယ်ယာမြေ လုပ်ပိုင်ခွင့် ရရှိထားခြင်းဖြစ်ပြီး ဥပဒေပါအခွင့်အရေးများအနေဖြင့် လက်ဝယ်ထားပိုင်ခွင့်၊ လုပ်ပိုင်ခွင့်၊ အကျိုးအမြတ်ခံစားပိုင်ခွင့် ၊  ရောင်းချခွင့်၊  ပေါင်နှံငှားရမ်းခွင့်၊ လဲလှယ်ခွင့်၊ ပေးကမ်းခွင့်နှင့် အမွေဆက်ခံ ခွင့်၊ အမွေဆက်ခံမှုအငြင်းပွားမှုဖြစ်ပါက ဥပဒေနှင့်အညီ တရားရုံးတွင် အဆုံးအဖြတ်ခံယူနိုင်ခွင့် ၊ပြည်တွင်း၊ ပြည်ပရင်းနှီးမြှပ်နှံလိုသူများနှင့် အကျိုးတူပူးပေါင်းဆောင်ရွက်လုပ်ပိုင်ခွင့်များကို ရရှိခံစား နိုင်မည်ဖြစ်ကြောင်းသိရသည်။

ပုံစံ(၇) ထုတ်ပေးမှုကြောင့် လယ်ယာမြေမှာလယ်သမားတစ်ဦးချင်းစီအတွက် လိုအပ်သည့် အရင်းအနှီး ငွေကြေးအတွက် ရရှိနိုင်ပြီး၊ ယင်းပုံစံ (၇) ကြောင့် လယ်ယာစီးပွားအတွက် မဖြစ်မနေလို အပ်သည့် အကျိုးတူလယ်ယာစနစ်ကို အကောင်အထည် ဖော်နိုင်ခြင်းမှာ လည်း လယ်သမားများ၏ ဘ၀ဖွံ့ဖြိုးတိုးတက်ရန်နှင့် လယ်ယာစီးပွားကဏ္ဍဖွံ့ဖြိုးတိုးတက်ရန်ဆက်စပ်နေသည့်အတွက် အလေးပေး ဆောင်ရွက်ရန် လိုအပ်နေသည်။

သို့သော် လယ်သမားအများစုလက်ဝယ်တွင် ပုံစံ(၇) ရရှိမှုမရှိကြောင်း မြန်မာနိုင်ငံဆန်စပါးအသင်းချုပ် အကြီးတန်း အကြံပေးဒေါက်တာဦးမင်ေးအာင်က “ တောင်သူတွေရဲ့ပုံစံ (၇) ကိုလည်းအားလုံးရအောင် လုပ်ပေးရမယ်။ အခုက ပုံစံ(၇) ကိုရတဲ့သူတွေရှိသလို၊ မရတဲ့သူတွေလည်းရှိနေတယ်။ တောင်သူတွေ ရဲ့မြေယာပိုင်ဆိုင်ခွင့်ကိုအစိုးရသစ်က လုပ်ကိုလုပ်ပေးရမယ်။ ဆုံးရှုံးသွားတဲံမြေယာတွေကို ကြည့်ပေး ရမယ်။ ပိုင်ဆိုင်မှုတွေကိုခိုင်မာအောင်လုပ်ပေးရမယ်” ဟုပြောသည်။

အချို့သောမြို့နယ်များတွင် ပုံစံ(၇) ထုတ်ပေးမှုများမှာ လွယ်ကူနေပြီးလိုအပ်သည့်အချက်များရှိပါက လွယ်ကူမြန်ဆန်စွာ ထုတ်ပေးနေ သည့် နေရာများလည်းရှိကြောင်း သိရသည်။

မြန်မာနိုင်ငံတောင်သူလယ်သမားများနှင့် စိုက်ပျိုးရေးအလုပ်သမားသမဂ္ဂများအဖွဲ့ချုပ်၏ ဒုတိယဥက္ကဌ ဦးတင်ထွန်းအောင်က “ ကျေးရွာလယ်ယာမြေစီမံခန့်ခွဲရေးအဖွဲ့ရဲ့ ထောက်ခံစာကိုယူရတယ်။ ရှိသင့်ရှိ ထိုက်တဲ့မြေခွန်ဆောင်ပြေစာ၊ ဘဏ်စာအုပ်၊ စိုက်ပျိုးထုတ်လုပ်မှုမှတ်တမ်းပုံစံရှိရမယ်။ အဲဒါတွေနဲ့ မြို့နယ်မြေစာရင်းမှာ လျှောက်လိုက်ရုံဘဲ။ အခုဒေးဒရဲဘက်မှာတော့ လိုအပ်တဲ့ အချက်အလက်တွေရှိ ရင် အချိန်မရွေးလျှောက်လို့ရတယ်။ ကန့်သတ်ချက်တွေမရှိဘူး။အားလုံးပြည့်စုံနေရင် အမြန်ရတယ်။ အငြင်းပွားမှုပြဿနာရှိရင်တော့ မကျနိုင်ဘူး။ ကြန့်ကြာတာမျိုးရှိတယ်။ အဲဒါမျိုးက သက်ဆိုင်ရာ ဌာနတွေ လုပ်ကိုင်တာမှာ အခက်အခဲ ရှိနေတာကြောင့်ပါ။ပိုင်ဆိုင်မှုမှန်ရင် အချိန်မရွေးလျှောက်လို့ ရတယ်” ပြောသည်။

လယ်စမားအများစုမှာ မိမိပိုင်ဆိုင်ကြောင်းသက်သေပြနိုင်ရန်လိုအပ်သည့်စာရွက်စာတမ်းများကို ထိန်းသိမ်းထားနိုင်မှု အားနည်းချက် များ တွေ့ရကြောင်းနှင့်လျှောက်ထားရန် အသေးစိတ်လိုအပ်ချက် အခြေခံအချက်များကို လယ်သမားမှ သိရှိခြင်းမရှိကြောင်း တွေ့ရသည်။

မြန်မာနိုင်ငံတောင်သူလယ်သမားနှင့် စိုက်ပျိုးရေးအလုပ်သမားသမဂ္ဂများအဖွဲ့ချုပ်အတွင်းရေးမှူး အဖွဲ့ဝင်ကိုမိုက်ကယ်က “ ပုံစံ(၇) နဲ့ပတ်သတ်လို့ ထန်းတစ်ပင်မြို့နယ်က လယ်သမားတွေရဲ့ ပြဿနာ ကနေ နှစ်ချက်သွားတွေ့ရတာရှိတယ်။ ဘိုးစဉ်ဘောင်ဆက် လယ်တွေ လုပ်ခဲ့ပေမယ့် စာရွက်စာတမ်း တွေက ခိုင်ခိုင်လုံလုံမရှိဘူး။ သိမ်းထားရကောင်းမှန်းမသိကြဘူး။ အနည်းဆုံး မြေခွန်ပြေစာလောက်ပဲ ရှိကြတယ်။ပုံစံ (၇၀ ထုတ်ပေးနေတယ်ဆိုတာသိတယ်။ဒါပေမယ့် ဘယ်လိုထုတ်ရမယ်။ဘယ်သွားရ မယ်စသဖြင့် အသေးစိတ်အခြေခံ အချက်အလက်တွေ မသိကြသေးဘူး။ အဲလိုအခြေအနေကို စီးပွားရေးသမားတွေက သိပြီးအဲဒီမြေတွေကိုဝင်လျှောက်ကြတယ်။ ၀င်လျှောက်ပြီးတော့ လယ်မစိုက်ဘဲ လယ်မစိုက်ဘဲနဲ့ ငါးကန်တွေတူးတယ်။ သူတို့မှာသက်သအထောက်အထားမရှိတော့ လုပ်ပေး ရတာတော်တော်ခက်တယ်။ သက်ဆိုင်ရာမြေစာရင်းဌာန၊ လယ်/ဆည် တို့မှာလျှောက်ရ ကောင်းမှန်း သူတို့မသိကြသေးဘူး။ တချို့နေရာတွေမှာတော့ လျှောက်ရလွယ်ပေမယ့် သက်ဆိုင် ရာဌာနကလုပ်ပေးဖို့ အချိန်ကြန့်ကြာနေတာ၊ ငွေကြေးကိုမျှော်ပြီး လာဘ်စား မှုရှိနေတယ်လို့ ပြောလို့ ရသလို၊ အထက်ရဲ့အမိန့်ညွှန်ကြားချက်မကျသေးလို့ မရတာမျိုးရှိတယ်။ မှော်ဘီကတစ်မှုဆိုရင် ဘိုးစဉ် ဘောင်ဆက်လုပ်လာတဲ့ အဘွားတစ်ဦးရဲ့ သူ့လယ်ယာမြေမှာကို အုပ်ချုပ်ရေးမှူးဟောင်း ရဲ့ နာမည်ပေါက်နေတယ်။ စာရွက် စာတမ်းတွေရှိပေမယ့် ပုံစံ(၇) မရှိဘူး” ပြောသည်။

ပုံစံ (၇) မရှိသည့်အတွက် စိုက်ပျိုးချေးငွေရရှိသော်လည်း ကျန်ရှိသည့်သွင်းအားစုများ၊ မြေယာပြုပြင် ရန်လိုအပ်သည့်စရိတ်များ တွင် ချေးငွေရရန်မြေပေါင်နှံနိုင်မှု မလုပ်နိုင်ကြောင်းတောင်ဒဂုံမြို့နယ် လယ်သမားဦးသန်းထွန်းဦးက “ ကျွန်တော်တို့သွားလျှောက်တော့ မြို့နယ်မြေစာရင်းဌာနက လက်မခံ ဘူး။ လ န-၃၉ကျပြီးသားမြေဖြစ်တဲ့အတွက် ထုတ်မပေးဘူးလို့ပြောပြီးတော့ ကျွန်တော်တို့နဲ့ အငြင်း ပွားမှုဖြစ်နေတဲ့ ကုမ္ပဏီကိုတော့အထက်ကညွှန်ကြားတာကြောင့် ထုတ်ပေးတာဖြစ်တယ်လို့ သိရတယ်။ ဒီဖြစ်စဉ်ကိုကြည့်ရင် ဘိုးစဉ်ဘောင်ဆက်လုပ်ကိုင်ခဲ့ကြောင့် သက်သေအထောက်အထား တွေရှိတဲ့ကျွန်တော်တို့ကို ထုတ်မပေးဘဲနဲ့ ကုမ္ပဏီကို ထုတ်ပေးတာ က မတရားဘူးလို့မြင်ပါတယ်။ ဒါမရှိတဲ့အတွက် နှစ်စဉ်သီးစားတင်ပြီးလုပ်ကိုင်နေရပြီးတော့ မိမိပိုင်မြေကိုသူများဝင်သိမ်းရင်တောင် သိမ်းနိုင်တယ်။လူ့အခွင့်အရေးအရကြည့်ရင် အခွင့်အရေးဆုံးရှူံးနေတယ်လို့တောင် ပြောလို့ရတယ်” ဟုပြောသည်။

အချို့သောဒေသများတွင် ပုံစံ(၇) ထုတ်ပေးမှုကြောင့် ယခင်ဓားမဦးချလုပ်ကိုင်သူလယ်သမားများနှင့် အငြင်းပွားမှုဖြစ်သူဖြစ်သူ အခြား တစ်ဦးဖြစ်စဉ်မှာ ပြောင်းပြန်အဖြစ်ပြောင်းလဲသွားပြီး ရလဒ်လွဲမှားမှု များကိုဖြစ်စေသည့် အဖြစ်အပျက်များလည်းရှိနေကြောင်း သိရသည်။

ထားဝယ်ခရိုင်တောင်သူလယ်သမားသမဂ္ဂ္ဂမှ မရီရီထွေးက “ ကျွန်ကတို့ဒေသဘက်မှာတော့ ပုံစံ (၇) ကိုလုပ်ဖို့ လုံးဝအားမပေးဘူး။ ဒီဟာကြောင့် ပဋိပက္ခဖြစ်ပွားနေတဲ့နေရာမှာ နစ်နာတဲ့တောင်သူတွေ အတွက်ပိုပြီးတော့ဆုံးရှုံးမှုကိုဖြစ်စေတယ်။ များသော အားဖြင့်  ငွေငါးသောင်းပေးပြီးလုပ်လို့ရတာမျိုး အပါအ၀င် လာဘ်စားမှုတွေရှိနေတယ်။ ပြီးတော့အစိုးရဌာနရဲ့ လုပ်ကိုင်သူတွေ ၀န်ထမ်းအင်အားနည်း တဲ့အတွက်ကြောင့် ပြေစာအမည်ပေါက်ဧကနဲ့ လက်တွေ့မြေပြင်ပိုင်ဆိုင်ဧကတွေကို ကွင်းဆင်း လေ့လာပြီး မပေးတဲ့အတွက် လွဲမှားပြီးအားနည်းချက်တွေရှိနေတယ်။ အမျိုးသမီးမြေယာပိုင်ဆိုင်ခွင့် အရေးနဲ့ပတ်သတ်လို့ ကတော့ ဖြစ်ပွားမှု မတွေ့ရသေးဘူး။ လယ်သမားတွေလက်ထဲကို ပုံစံ (၇) ကျယ်ကျယ်ပြန့်ပြန့်မရောက်သေးတာလည်း ပါတယ်။ နောက်တစ်ချိန်ဖြစ်လာနိုင် တာကတော့ လင်ယောက်ကျားက နောက်မိန်းမယူခဲ့ရင်တော့ အရင်အမျိုးသမီးအတွက် မြေယာပိုင်ဆိုင်မှု အားနည်းချက်တွေ ရှိလာနိုင်တယ်” ဟုပြောသည်။

အချို့သောဒေသများတွင် မြေယာပိုင်ဆိုင်မှု အငြင်းပွားနေစဉ်ဓားမဦးချပြေစာအမည်ပေါက်ခြင်းမရှိ သည့် အငြင်းပွားသူတစ်ဖက်ကို ပုံစံ(၇) ထုတ်ပေးသည့်အတွက် တရားစွဲဆိုမှုများထပ်မံဖြစ်ပေါ် ပြီး ဖြစ်စဉ်ကိုပိုမိုရှုပ်ထွေးစေသည့် ကိစ္စရပ်များကို လည်း နေရာဒေသအတော် များများရှိလယ်သမားများ၊ လူမှုအဖွဲ့အစည်းများထံမှသိရပြီး ၎င်းအတွက်ကြောင့် ပုံစံ (၇)ထုတ်ပေးထားရှိမှုများကို အစိုးရသစ် အနေဖြင့်  ပြန်လည်သုံးသပ်ရန်လိုအပ်ပေသည်။

“ ကျွန်မတို့ဒေသတစ်ခ်ုတည်းအနေနဲ့တော့ပုံစံ(၇) ထုတ်ပေးမှုကို လုံးဝကန့်ကွက်ထားတယ်။ လယ်သမားတွေ တော်တော်များများကို လည်း လျှောက်ပေးထားမှုမရှိဘူး။ လယ်သမားတွေရဲ့ ပိုင်ဆိုင်မှုအတွက် ကိယ့်အရပ်အနီးအနားက ရပ်မိရပ်ဖတွေနဲ့ မိရိုးဖလာလုပ်ကိုင် စားသောက်နေတယ် ဆိုတာသိတဲ့ မျက်မြင်သက်သေတွေရဲ့ စကားနဲ့ပိုင်ဆိုင်မှုတွေပြန်လည်စိစစ်စေလိုပါတယ်။ အစိုးရ အသစ်အနေနဲ့ လည်း အရင်အစိုးရလက်ထက်တုန်းက ပုံစံ (၇) ကြောင့်လယ်သမားအများစုတွေ ရဲ့ မြေတွေကယတိပြတ်ဆုံးရှုံးနစ်နာစေတဲ့ အဆင့် အထိဖြစ်ခဲ့တဲ့အတွက်ကြောင့် ဒါတွေကိုဘယ်လို ပြန်လည်သုံးသပ်ပြီး လုပ်ကိုင်မလဲဆိုတာကို မျှော်လင့်နေပါတယ်” ဟုပြောသည်။

မြေယာအသုံးချမှုတွင်မြေပြန့်ဒေသများရှိ တောင်ယာကဏ္ဍများ၏မြေယာများကိုလည်း အသုံးချပိုင်ခွင့် မရှိသေးသည်မှာလည်းကို သတိပြုဆောင်ရွက်သင့်သည့် အချက်တစ်ချက်ဖြစ်ပေသည်။ တောင်ယာ များတွင် မိရိုးဖလာအသုံးချမှုများသာရှိပြီး တရားဝင် ပိုင်ဆိုင် အသုံးချခွင့်မရှိ၊ အသိအမှန်ပြုခံရခြင်းမရှိ သည့်အတွက် လယ်သမားများ၏ပိုင်ဆိုင်မှုအခွင့်အရေးအပြည့်အ၀မရှိခြင်းများ၊ အလေးမထားမှု များ ရှိနေကြောင်း သိရသည်။

စိုက်ပျိုးရေးပညာရှင်တစ်ဦးဖ်ြသူဦးတင်မောင်ဆွေက “ ပုံစံ(၇) ထုတ်ပေးထားတာနဲ့ပတ်သတ်လို့ အစိုးရအနေနဲ့ ပြဿနာတွေကို အရင်ဖြေရှင်းရမယ်။ ပြဿနာအကြီး၊အသေးအတိမ်အနက်ကို ဂရိုစိုက် ပြီးတော့အားလုံးကိုပြန်လည်စိစစ်ပြီးလုပ်ကိုင်သင့်တယ်” ဟုပြောသည်။

တို့မြေကွန်ယက်မှ ဒီဇင်ဘာလတွင်ထုတ်ပြန်သည့် လယ်ယာသိမ်းဆည်းခံရမှုနှင့်ပတ်သတ်သည့် စစ်တမ်းတစ်ရပ်အရ မြို့နယ် ၆၂ မြို့နယ်မှ လယ်သမားဦးရေ ၂,၆၀၀ ကျော်ကိုမေးမြန်းခဲ့ပြီး အစီအရင် ခံစာအရစစ်တပ်မှာမြေသိမ်းမှုတွင် စုစုပေါင်းဖြေကြားသူ ၄၇ဒဿမ၇ရာခိုင်နှုန်းနှင့် ပတ်သတ်နေပြီး၊ အစိုးရဌာန၊ကုမ္ပဏီ၊ ဒေသခံအာဏာပိုင်၊ နိုင်ငံခြားကုမ္ပဏီတို့မှာလည်းအများဆုံးပါဝင်ကြောင်း သိရသည်။ ဖြေဆိုထားသူတစ်ဦးချင်း နှစ်အလိုက်မြေယာသိမ်းခံမှုများအရ ၁၉၈၀ ပြည့်နှစ်မတိုင်မီမှ စတင်ကာ ၂၀၁၀ ပြည့်နှစ်နောက်ပိုင်း အထိရှိပြီး ၁၉၉၀-၉၉ ခုနှစ်အကြားနှစ်ကာလများတွင် အများဆုံး သိမ်းဆည်းခံခဲ့ရကြောင်း သိရသည်။

၎င်းမှ အနှောင်းပိုင်းကာလများတွင် မြေယာဖြေရှင်းမှုများမရှိသည့်အတွက် ဆင့်ပွားနှုန်းများမြင့်တက် လာဖြင်းအဖြစ် တွေ့ရကြောင်း အစီအရင်ခံစာအရ သိရသည်။

လယ်ယာမြေပိုင်ဆိုင်မှုများကို ကိုင်တွယ်ရာတွင် အစိုးရအနေဖြင့်လက်ရှိအငြင်းပွားမှုဖြစ်စဉ်များကို အရင်ဆုံးဖြေရှင်းရမည်ဖြစ်ပြီး စဉ်းစားဖြေရှင်းမှုတိုင်းတွင် ပွင့်လင်းမြင်သာပြီးတာဝန်ယူမှု၊ တာဝန်ခံ မှုရှိသော၊အရပ်ဖက် လူမှုအဖွဲ့အစည်းများ၊ ဒေသခံ လယ်သမားများ ပါဝင်ကာ မြေယာကို ရောင်းကုန် အဖြစ်သတ်မှတ်ခြင်းမပြုဘဲ တောင်သူဘ၀ အသက်သွေးကြောများဖြစ်နေသည်ကို ဂရုပြုကာ တောင်သူများ၏ ပါဝင်ဆုံးဖြတ်ပိုင်ခွင့်များဖြင့် ပိုင်ဆိုင်မှုကို အလေးထားပြီး ဖြေရှင်းဆောင်ရွက် သင့်ပေသည်။

ကိုဖြိုး

အတွဲ(၁၃)၊အမှတ်(၁၉၀)၊မတ်၇-၁၃၊၂၀၁၆ခုနှစ်

 

 

 

 

 





Leave a Reply

Your email address will not be published. Required fields are marked *