BREAKING NEWS

သီးနှံအထွက်တိုးခြင်းကို နားလည်လုပ်ဆောင်ခြင်း

အပင်များအထွက်တိုးရန်မှာ စိုက်ပျိုးသူတိုင်းအတွက် အဓိကရည်မှန်းချက် တစ်ခုဖြစ်သည်။ လျင်မြန်သောနှုန်းဖြင့်တိုးနေသော ကမ္ဘာ့လူဦးရေ အတွက် လုံလောက်သော စားနပ်ရိက္ခာရရှိရေးမှာ စိုက်ပျိုးရေးလုပ်ငန်းများအပေါ် ဖိအားကြီးမားစွာ ဖြစ်ပေါ်လျက် ရှိသည်။   သီးနှံများအထွက်တိုးခြင်းကို သာမန်စိုက်ပျိုးသူများ အသိအချို့ရှိသကဲ့သို့ သာမန်ပညာရှင်များ၊ရှေးပညာရှင်များ ၏ သိပ္ပံဆိုင်ရာ အမြင်များ လည်းရှိနေပါသည်။

ပို၍အဆင့်မြင့်သော ပညာရှင်များ၏သုတေသနရလဒ်များကို အခြေခံပြီး သီးနှံအထွက်တိုးခြင်းကို သာမန်စိုက်ပျိုးသူများ နားလည် ကျင့်သုံးနိုင်သည့်အဆင့်အထိ တင်ပြရန်မှာ အလွန်လိုအပ်လျက်ရှိသော အကြောင်းတစ်ရပ် ဖြစ်သည်။

ယေဘူယျသီးနှံတစ်မျိုး၏ ကြီးထွားမှုပုံစံ

အပင်များ၏ ကြီးထွားမှုအဆင့် ၃ ဆင့်ရှိသည်။ အစေ့အညှောက် ပေါက်ချိန်မှ ပန်းပွင့်သန္ဓေတည်စ အချိန်အထိ (ပန်းပွင့်ချိန်မဟုတ်) ကို ပင်ပိုင်းကြီးထွားသည့်အဆင့် Vegetative Stage ဟုခေါ်သည်။ ပင်ပိုင်းအင်္ဂါဆိုသည်မှာ အရွက်ပင်စည်အညွန့် အကိုင်းတို့ဖြစ်သည်။ ပင်ပိုင်းကြီးထွားမှု နှေးကွေးရပ်တန့်ခါနီးတွင် မျိုးပွားအင်္ဂါတစ်မျိုးဖြစ်သော ပန်းပွင့်များသန္ဓေတည်ရာမှ ပန်းပွင့်ပြီး -ဝတ်မှုန်ကူး -သန္ဓေအောင်ပြီး အစေ့စတင်ဖြစ်ပေါ်ချိန်အထိမှာ လိင်ပိုင်းကြီးထွားမှုအဆင့် Reproductive Stage ဟုခေါ်သည်။ တတိယအဆင့်ကား အစေ့အတွင်းသို့ အရွက်မှချက်လုပ်သော အစာများ စီးဝင်လာသော အဆင့်ဖြစ်သည်။ဤအဆင့်ကို အစာဖြည့်သည့် အဆင့် Filling Stage သို့မဟုတ် Grain Filling Stage ဟု ခေါ်သည်။

ရာသီ သီးနှံပင်တစ်မျိုးတွင် ထိုအဆင့် ၃ ဆင့်လုံးအတွက် သတ်မှတ်ထားသော အချိန်ကာလ (ရက် )ရှိတတ်သည်။သို့သော် စိုက်ပျိုးသူ အနေနှင့် ထိုအချိန်ကို အနည်းငယ်(သို့မဟုတ်)အတော်အတန် အတိုးအလျော့ ပြုလုပ်နိုင်သည်။ ဤသို့ဖြင့် ထိုသီးနှံပင်၏ အထွက်နှုန်းကို စီမံကိုင်တွယ်နိုင်သည်။

အပင်များ၏ ကြီးထွားမှုအဆင့် ၃ ဆင့်တွင် ပထမအဆင့်မှာ နှေးပြီး ဒုတိယအဆင့်မှာမြန်ပြီး တတိယအဆင့်မှာ ပြန်နှေးသွားသည်။ စပါးပင်ကဲ့သို့ သီးနှံပင်မျိုးတွင် တတိယအဆင့်ကို ကြာရှည်စွာ ဆန့်မထားနိုင်သော်လည်း ငရုတ် ၊ခရမ်း ၊ပဲတောင့်ရှည်၊ ရုံးပတီ    ကဲ့သို့သောသီးနှံများတွင် အချိန်အတော်ကြာအောင် ဆန့်ထားနိုင်သည်။ နည်းပညာ နှင့် ပံပိုးပစ္စည်းများ၏ အကူအညီဖြင့် ထိုသို့ ဆန့်လိုက်နိုင်ခြင်း ဖြစ်သည်။

ထိုတတိယအဆင့်ကို ဆန့်ထားနိုင်ခြင်းအားဖြင့် သီးနှံအထွက်နှုန်းကို များစွာတိုးတက်ပြောင်းလဲပေးနိုင်သည်။ ကြီးထွားဖွံ့ဖြိုးမှုအဆင့် ၃ ဆင့်တွင် ပထမအဆင့် ဖြစ်သော ပင်ပိုင်းကြီးထွားမှုအဆင့်မှာ အရေးကြီးမှု အနည်းဆုံးအဆင့်ဖြစ်သည်။ ထိုကာလအတွင်း အပြောင်း အလဲများမှာ သီးနှံပင်၏အထွက်နှုန်းအပေါ် သက်ရောက်မှု အနည်းဆုံးဖြစ်သည်။ ဒုတိယအဆင့်ဖြစ်သော လိင်ပိုင်းကြီးထွားမှုအဆင့်မှာ သီးနှံပင် အတိမ်းအစောင်းမခံနိုင်ဆုံး၊ အရေးအကြီးဆုံး အဆင့်ဖြစ်သည်။ အပြောင်းအလဲမြန်သကဲ့သို့ ထိလွယ် ၊ရှလွယ်သော အဆင့်   ဖြစ်သည်။

စိုက်ပျိုးသူအနေနှင့် ရေ၊ အစာ၊ ဝန်းကျင်ဖိစီးမှု စသည့်ကိစ္စအားလုံးအတွက် အထူးဂရုစိုက်ရမည့် ကာလဖြစ်သည်။ ကိုယ်ဝန်ဆောင် အမျိုးသမီးများ ကိုယ်ဝန်ပျက်မကျရန် အလေးထားစောင့်ရှောက်ရသကဲ့သို့ပင်ဖြစ်သည်။ အပင်၏ သက်တမ်းနှင့် နှိုင်းစာလျင် ဤဒုတိယ အဆင့်မှာ ရက်မကြာလှသော်လည်း သီးနှံပင်အား အလေးထားစောင့်ရှောက်ပြုစုရမည့် အချိန်ဖြစ်သည်။

တန်းမြင့်ခုန်သူများ တန်းကျော်လျင် မည်သို့ပုံစံနှင့်ကျကျ အောင်မြင်သည်ဟု ယူဆကြသည်။ ဤတတိယအဆင့်ကိုအချို့က တန်းမြင့်ကို   ကျော်နိုင်ပြီးသောကာလဖြစ်၍ အရေးမပါတော့ဟု ယူဆကြသည်။ အာလူး၊ ပီလောပီနံ၊ ကန်စွန်းဥများသို့ အစာရွှေ့ချိန် အခြား အစာသိုလှောင်အင်္ဂါများ ဖြစ်သော အစေ့များ ၊အသီးများအတွင်းသို့ အရွက်မှချက်လုပ်သော အစာများရွှေ့ပြောင်းစုဆောင်းချိန်ဖြစ်သည်။
ငရုတ်၊ ခရမ်း၊ ရုံးပတီ၊ ပဲတောင့်ရှည်အပင်များကို လေ့လာလျင် အပင်ပျိုမှစသီးသော အဦးသီး၊ ဂွသီး များမှာ ကြီးထွားသန်မာပြည့်ဖြိုး
ကြသော်လည်း နှောင်းသီးများဖြစ်သော ကိုင်းဖျား၊ကိုင်းနားသီး အသီးတို့မှာစံချိန်မမှီ၊ အရွယ်သေးငယ်၊ကြုံလှီပြီး အချို့မှာ  ဈေးကွက်ပင် မဝင်တာ့ပါ။

ထိုသို့ဖြစ်ရခြင်းမှာ အပင်ကျချိန်တွင် အာဟာရလုံလောက်စွာ မရရှိတော့ခြင်းက အဓိကအကြောင်းရင်းဖြစ်သည်။ ထိုအပင်များကိုပင်   အရွက်ဖျန်းမြေဩဇာများ၊ နှိုးဆွပစ္စည်းများ၊ အပင်ဟော်မုန်းများဖြင့် ပက်ဖျန်းပေးပါက ပြန်လည်နုပျိုပြီး အရည်အသွေးပြည့်မှီသော
အသီးများပြန်လည်ရရှိနိုင်ပါသည်။ ဤသို့ဖြင့် တတိယအဆင့်ကို ဆန့်ထားခြင်းအားဖြင့် ထိုအပင်များ၏ အထွက်နှုန်းကို ကြီးမားစွာ တိုးတက်စေနိုင်ပါသည်။

အရွက်များသည်အစာချက်သော၊ အစာပြုလုပ်သောအင်္ဂါ Source ဖြစ်သည်။ဥများ ၊အစေ့များ၊ အသီးများကိုကား Sink ဟုခေါ်သည်။
အရွက်များသည် အပင်မျိုးကိုလိုက်၍ သက်တမ်းကွာခြားနိုင်သည်။ အကယ်၍အရွက်များ အရွယ်ရောက်၍ အိုပြီး ဝါသွားသောအခါ အစာမချက်လုပ်နိုင်တော့ပါ။ အကယ်၍ အရွက်များ၏သက်တမ်းကို ဆန့်ထားနိုင်ပါက ထိုသီးနှံပင်၏ အထွက်နှုန်းကို တိုးစေနိုင်မည်ဖြစ်
သည်။

အရွက်များအတွင်း နိုက်ထရိုဂျင်ဓာတ် လုံလောက်စွာရှိနေရေးမှာ အဓိကလိုအပ်သော အကြောင်းရင်းဖြစ်သည်။ဤအခြေအနေကိုလည်း
နိုက်ထရိုဂျင် အရွက်ဖျန်းမြေဩဇာများ အသုံးပြု၍ လွယ်ကူစွာဖြေရှင်းနိုင်သည်။ သီးနှံပင်များ၏ ကြီးထွားဖွံ့ဖြိုးမှုတတိယ အဆင့်အတွက် ပန့်ပိုးကူညီနိုင်သည့် နည်းပညာနှင့် အခြေအနေများစွာရှိသည်။ အချို့ကိုသာမန်စိုက်ပျိုးသူများပင် လွယ်ကူစွာ ဖော်ဆောင်လုပ်ကိုင်နိုင်   သောနည်းများဖြစ်သည်။ စိုက်ပျိုးသူအနေနှင့် ဆက်လက်လေ့လာအသုံးပြုရန်သာ လိုပါသည်။

Credit – ဦးဖရက်သိန်းဖေ





Leave a Reply

Your email address will not be published. Required fields are marked *