BREAKING NEWS

နွေရာသီမှာ လူကြီးတွေကို ဂရုစိုက်ပါ

အသက်ကြီးသူတွေဟာ အပူဓာတ်နဲ့ စိုစွတ်မှုတွေကို မခံစားနိုင်တတ်ကြပါဘူး။ အပူချိန် 100°F (38°C) လောက်နဲ့တင် အပူဝေဒနာ ခံစားရတတ်ပါတယ်။
ခေါင်းကိုက်ခြင်း၊ ကယောင်ခြောက်ခြားဖြစ်ခြင်း၊ ခေါင်းမူးခြင်း၊ ပျို့အန်ခြင်းစတဲ့ လက္ခဏာတွေဟာ အပူဒဏ်ကြောင့်ဖြစ်တဲ့ လက္ခဏာရပ်တွေ ဖြစ်ပါတယ်။ ဒီလိုလက္ခဏာတွေ ကြုံလာတဲ့အခါ ဆရာဝန်နဲ့ ပြသတာ၊ အရေးပေါ်ကို ပြသတာမျိုးတွေ ပြုလုပ်သင့်ပါတယ်။

အပူဒဏ်ကိုခံစားရတဲ့အခါ အပူမရှပ်စေဖို့ –
● နေပူထဲက ထွက်ပြီး အရိပ်ထဲနေပါ။ လေအေးပေးစက်ဟာ နွေရာသီမှာ အကောင်းဆုံး ဖြစ်ပါတယ်။
● ရေများများ သောက်ပါ။ ဒါပေမဲ့ ကော်ဖီနဲ့ အရက်ကို ရှောင်ပါ။ ရေနဲ့ အသီးဖျော်ရည်တွေ များများသောက်ပေးပါ။
● ရေအေးအေးနဲ့ ရေပတ်တိုက်ပါ။ ရေချိုးပါ။
● အေးတဲ့နေရာမှာ လှဲလျောင်း အနားယူပါ။
● အလွယ်တကူနဲ့ မအေးတဲ့အခါ ဆရာဝန်နဲ့ ပြသတာ၊ အရေးပေါ်သွားတာမျိုး ပြုလုပ်သင့်ပါတယ်။
ပူအိုက်တဲ့ရာသီဥတုမှာ အသက်အရွယ်ကြီးတဲ့ ဆွေမျိုးတွေ၊ အိမ်နီးနားချင်းတွေကို ဂရုစိုက်ပေးပါ။

ရောဂါတစ်ခုခုကြောင့် ဆရာဝန် ရှောင်ခိုင်းထားတာကလွဲလို့ ရေများများ သောက်ခိုင်းပါ။

အပူလှိုင်းဖြတ်တဲ့အခါ လူကြီးတွေကို အေးတဲ့နေရာတွေကို လိုက်ပို့ပေးပါ။

Credit – drmyanmar (Dr. Mya Phoo Ngon)





Leave a Reply

Your email address will not be published. Required fields are marked *