BREAKING NEWS

၁၅.၃.၂၀၁၈ မှ ၂၁.၃.၂၀၁၈ အထိ တစ်ပတ်စာ ၇ရက်သားသမီး ⁠ဟောစာတမ်း

တနင်္ဂနွေ

ဒီကာလထဲ အလုပ်ထဲမှာအဆင်မပြေတာမျိုးတွေ ကြုံခဲ့ရမယ်ဆိုရင်တော့ သည်းခံပြီးတော့ကျော်ဖြတ်လိုက်ပါ။ တာဝန်မယူတတ်တဲ့ လုပ်ဖော်ကိုင် ဖက် တွေကြောင့် စိတ်ပင်ပန်းရတတ်ပါတယ်။ ဖခင်ရဲ့ကျန်းမာရေးကိုအထူးပဲ ဂရုစိုက်သင့်လှပါတယ်။ အရေးကြီးတဲ့ စာချုပ်စာတန်းများ လက်မှတ်ထိုးစရာ ကိစ္စများ ကြုံလာပါကသေချာစီစစ်ပြီးမှထိုးသင့်ပါတယ်။ ကျန်းမာရေးကတော့ရောဂါဗေဒအနေနဲ့သိပ်ပြီးမခံစားရပေမဲ့ အလုပ်ပင်ပန်းလို့ ပန်းဖျားဖျားတာ မျိုးတော့ ကြုံရနိုင်ပါတယ်။ လူငယ်များ ဖခင်နဲ့အခြေအတင်ဖြစ်ရတတ်ပါတယ်။ အိမ်ထောင်ရေးမှာတော့ မိမိလိုချင်တဲ့ပုံစံမျိုး အိမ်ထောင်ဘက်ပုံသွင်းဖို့ မကြိုးစားပါနဲ့။ အချစ်ရေးကံကောင်းပါတယ်။ မိဘတွေကိုတော့ လက်ထပ်ဖို့ဖွင့် မပြောသင့်သေးပါဘူး။ ပညာရေးအထူးကောင်းမှာပါ။စိုးရိမ်စိတ်နဲ့တော့
စာမလုပ်စေချင်ပါဘူး။

အကျိုးပေးဂဏန်း 2/5/9
အထူးဟော ပူပန်ရတတ်ပါတယ်။
ယတြာ ဖိနပ်ပြတ်တွေ အိမ်မှာရှိရင်စွန့်ပစ်လိုက်ပါ။

တနင်္လာ

အပေါင်းအသင်းမိတ်ဆွေတွေ တိုးပွားမဲ့ကာလပါပဲ။ လှချင်ပချင်စိတ်တွေဖြစ်ပေါ်နေတာကြောင့် အလှကုန်ပစ္စည်းတွေဝယ်မိနေတတ်ပါတယ်။ လူချစ်လူ ခင်များသလို ရည်စားမရှိသေးသူများချစ်ရေးဆိုခြင်းခံရတတ်ပါတယ်။ ချစ်သူရှိသူများကတော့ ဝေးနေရတာမျိုးကြုံရတတ်တာကြောင့်ဖုန်းနဲ့ပဲ အလွမ်းဖြေ ရမှာပါ။ စပ်တူအလုပ်တွေအထူးအကျိုးပေးတယ်။ online စီးပွားရေးများအထူးတိုးတတ်ပါလိမ့်မယ်။ ငွေကံအထူးကောင်းတတ်ပါတယ်။ ခရီးသွားရင်းရောက် တဲ့မြို့မှာထီထိုးစေချင်ပါတယ်။ ကံကောင်းနေချိန်ဖြစ်တာကြောင့် စိတ်ထဲမျှော်လင့်ထားတာလေးတွေပြည့်လာတတ်ပါတယ်။ ကျန်းမာရေးအတွက်လဲ စိုးရိမ်စရာမရှိပါဘူး။ မတည့်တာတွေတော့မစားပါနဲ့။ မင်္ဂလာကိစ္စ အလှူကိစ္စတွေဒီကာလမှာကြုံရတွေ့ရတတ်ပါတယ်။ ပညာရေးကံကတော့ ဒီကာလ မှာအထူးကောင်းပါတယ်။ မိမိကိုယ်တိုင်ကလဲ သင်ယူလွယ်တတ်မြောက်လွယ်နေပါတယ်

အကျိုးပေးဂဏန်း 6/9/2
အထူးဟော ကံမြင့်နေချိန်ပါပဲ။
ယတြာ သပြေပန်း လက်တစ်ဆုပ်ခန့် မွေးနံထောင့်မှာလှူဒါန်းပေးလိုက်ပါ။

အင်္ဂါ

မိတ်ဆွေတွေရဲ့အကြံပေးခြင်းကို လက်ခံလုပ်ကိုင်ခြင်းဖြင့် အောင်မြင်မှုတွေရပါလိမ့်မယ်။ ၀န်ထမ်းတွေနဲ့တက်ညီလက်ညီ စပေါင်းလုပ်ကိုင် ခြင်း ဖြင့်   အောင်မြင်မှုတွေရရှိမှာပါ။ စပ်တူအလုပ်များ ရှယ်ယာလုပ်ငန်းများလဲ အထူးအကျိုးဖြစ်ထွန်းမှာပါ။ ဘဏ်လုပ်ငန်း၊ security လုပ်ငန်း၊ဇိမ်ခံပစ္စည်များနှင့် ပရိဘောဂလုပ်ငန်းများလဲ အထူးကောင်းမှာပါ။ ကျန်းမာရေးလဲအညံ့အဆိုးကင်းဝေနေပါလိမ့်မယ်။ ကံအကောင်းဆုံးကတော့အချစ်ရေးပါ။ စန်းအလွန် ပွင့်နေပါလိမ့်မယ်။လူချစ်လူခင်အလွန်များမဲ့ ကာလပါပဲ။ ချစ်သူရဲ့ မြတ်နိုးတန်ဖိုးထားခြင်းကိုခံရပါလိမ့်မယ်။ ပညာရေးကံကြမ္မာကတော့ အထူးကောင်းပါတယ်။ မိမိကိုယ်တိုင်ကလဲ ပညာရေးအပေါ်စိတ်ဝင်စားနေတတ်ပါတယ်။

အကျိုးပေးဂဏန်း ၃/၆/၂
အထူးဟော စိတ်ချမ်းမြေ့စရာတွေကြုံရမည်။
ယတြာ နီးစပ်ရာစေတီမှာ ညလုံးပေါက်လျှပ်စစ်မီး
ပူဇော်ပါ။

ဗုဒ္ဓဟူး

ဒီကာလအတွင်း သတိထားရမှာကတော့ အိမ်ထောင်သည်တွေပါပဲ။ အိမ်ထောင်ရေးကံကြမ္မာ အထူးအားနည်းနေချိန်ပါပဲ။ အိမ်ထောင်ဖက်နဲ့ပြဿ နာတတ်လွယ်တဲ့ကာလပါပဲ။ အလုပ်နဲ့ပက်သက်ပြီးပိတ်ဆို့နေတဲ့ ကံတွေလဲ ပွင့်ပါလိမ့်မယ်။ ကံအားနေချိန်ဖြစ်တာကြောင့် အဘက်ဘက်က သတိထား ဖို့တော့လိုပါတယ်။ တစ်အိမ်ထဲနေတဲ့ မောင်နှမတွေမတည့်တာမျိုးလဲရှိပါလိမ့်မယ်။ ကျန်းမာရေးကတော့အဆိုးထဲကအကောင်းလို့ပြောရမှာပါ။    ရောဂါဝေဒနာခံစားနေရသူများ ဒီကာလမှာ အနာနဲ့ဆေးတွေ့ပြီး ချမ်းသာပျောက်ကင်းပါလိမ့်မယ်။ အချစ်ရေးကံလဲ ကောင်းနေပါတယ်။ ချစ်သူကို အလွန်အကျွံစနောက်ခြင်းမျိုးတော့ရှောင်ပါ။ ပညာရေးကံအားနည်းနေတယ်လို့ သုံးသပ်ရပါတယ်။ အထူးကြိုးစားစေချင်ပါတယ်။

အကျိုးပေးဂဏန်း ၆/၁/၃
အထူးဟော ကံညံ့နေချိန်ပါပဲ
ယတြာ ဘုရားရှင်အား ယပ်တော်သွင်းပါ။

ကြာသပတေး

သိပ်ထွေထွေထူးထူး စဉ်းစားစရာမလိုတဲ့ကာလပါ။ တစ်ကြောင်းထဲသော စိတ်နဲ့ ပဲ အရာရာတိုင်းကိုလုပ်ကိုင်ဆောင်ရွက်ပါ။ သူများအကြံပေးတာမျိုးကို နားမယောင်မိပါစေနဲ့ ။မိမိစိတ်ကူးအတွေးအကြံကသာ အဓိကပါပဲ။ အပြောင်းအလဲ ဘာမှမလုပ်စေချင်ပါ။ အပြောင်းအလဲလုပ်ခြင်းက သေချင်တဲ့ကျား
တောပြောင်းဆိုတာမျိုး ဖြစ်ရတတ်ပါတယ်။ ကျန်းမာရေးအတွက် သိပ်စိုးရိမ်ဖို့တော့ မလိုပါဘူး။ ဒါပေမဲ့ ဗိုက်အောက်ဗိုက်နာဖြစ်ရင်တော့ ဆေးမြီးတိုနဲ့ မကုလိုက်ပါနဲ့။ ဥပဒေနဲ့ မလွတ်ကင်းတာတွေ လုံးဝမလုပ်ပါနဲ့။ အချုပ်ကျခြင်း အမှုရင်ဆိုင်ရခြင်းမျိုး ကြုံရတတ်လို့ပါပဲ။ အချစ်ရေးကံကောင်းနေတတ်ပါတယ်။ အချစ်နယ်ကျွံတာမျိုးတော့ မဖြစ်ပါစေနဲ့။ ပညာရေးအထူးကောင်းပါတယ်။ ပညာရပ်အသစ်များ စတင်သင်ယူခြင်းက ထိုပညာရပ်ကို ဆုံးခန်းတိုင်တတ်မြောက်ပါလိမ့်မယ်။

အကျိုးပေးဂဏန်း ၅/၃/၉
အထူးဟော ကံသင့်ပါတယ်။
ယတြာ ငါးမုန့်ကြော်လေးများဝယ်ပြီး ရပ်ကွက်ထဲကကလေးတွေကို ဝေကျွေးလိုက်ပါ။

သောကြာ

ရှေ့တိုးဆောင်ရွက်စရာရှိတဲ့ လုပ်ငန်းကိစ္စများအားလုံး ဒီကာလမှာ လုပ်ကိုင်ဖို့သင့်ပါပြီ။ ရပ်ဝေးနဲ့ချိတ်ဆက်လုပ်ကိုင်ရသော စီးပွားရေးများအထူး အကျိုးပေးနေချိန်ပါ။ စီးပွားရေးလုပ်ငန်းများ အဆင်ပြေချောမွေ့အောင်မြင်ပါလိမ့်မယ်။ ကားလုပ်ငန်း ကုန်သွယ်ရေးလုပ်ငန်း လက်ကားစီးပွားရေးများ အထူးပဲ အောင်မြင်တတ်ပါတယ်။ ကျန်းမာရေးကတော့ အနည်းငယ်ညံ့ပါတယ်။ ခြူ ခြာလွယ်တဲ့ ကာလပါပဲ။ ရက်လွန်နေသော စားသောက်ကုန်များ မစားမိအောင် ဆင်ခြင်ပါ။ အချစ်ရေးကံက ချစ်လွန်းအားကြီးမှုကလဲ ပြဿ နာကို ဖြစ်စေတာပါပဲ။ သဝန်တိုပြီး အထင်လွဲ ပြဿ နာရှာတဲ့ ချစ်သူကို နားလည်အောင်ရှင်းပြဖို့ မလွယ်ကူတဲ့ကာလပါပဲ။ ပညာရေးအတွက် ရည်မှန်းချက်သစ်များ ပန်းတိုင်သစ်များ ချမှတ်လို့ အထူးကောင်းနေပါလိမ့်မယ်။

အကျိုးပေးဂဏန်း ၆/၃/၂
အထူးဟော တိုးတတ်အောင်မြင်မဲ့ ကာလပါ
ယတြာ ရေသန့်ဘူး ရဟန်းတစ်ပါးကိုလှူလိုက်ပါ။

စနေ

အလုပ်နဲ့ပက်သက်သောကိစ္စတွေကြောင့် ရပ်ဝေးသွားရဖို့ အကြောင်းဖန်လာတတ်ပါတယ်။ ရစရာရှိတဲ့ ကြွေးမြီးတွေရှိရင် ပြန်တောင်းဖို့ခက်ပါလိမ့်မယ်။ အမှုဟောင်း ပြဿ နာဟောင်း ရန်ကြွေးရန်စဟောင်းများရှိခဲ့သူဆို ဒီကာလပြန်လည်ဖြေရှင်းရတတ်ပါတယ်။ အိမ်ထောင်ဘက်ကို ပြဿ နာမရှာပါနဲ့။ အိမ်ပေါ်ကဆင်းသွားတတ်ပါတယ်။ ငွေဝင်လာဖို့ရှိနေပါတယ်။ အဓိဋ္ဌာန်ဝင်ဖို့လဲ အကြောင်းဖန်လာတတ်ပါ တယ်။ လောကီထက် လောကုတ္တရာ အကျိုးပေးမဲ့ကာလပါပဲ။ မိမိကိုယ်တိုင် အချစ်ရေးကိုစိတ်မပါသလိုဖြစ်နေတတ်ပါတယ်။ ကျန်းမာရေးကတော့ သိပ်စိတ်ပူဖို့မလိုပါဘူး။ သတိထားရမှာက ဒူးနာ ခါးနာဆိုတာမျိုးပါပဲ။ ပညာရေးမှာ လောကီပညာထက် လောကုတ္တရာဉာဏ်ပညာဘက်ကို ပိုကောင်းတဲ့သဘောတွေ့ရပါတယ်။

အကျိုးပေးဂဏန်း ၇/၅/၁
အထူးဟော အလုပ်များနေရလိမ့်မယ်။
ယတြာ ဘုရားရှင်အား ထိုးမုန့်ကပ်လှူပေးပါ။

 

Source – ငြိမ်းအေးလူ (ဗေဒင်သုတေသီ)





Leave a Reply

Your email address will not be published. Required fields are marked *