ပန်း⁠နှမ်း စိုက်ပျိုးနည်း

ပန်းနှမ်း၏ မူရင်းဒေသသည် အာဖရိကတိုက်ဖြစ်သော်လည်း အိန္ဒိယနှင့် ပါကစ္စတန်နိုင်ငံများတွင် အရေးပါသော ဆီထွက်သီးနှံတစ်ခု ဖြစ်ပါသည်။

ပန်းနှမ်းသီးနှံပင်သည် နေကြာပင်နှင့် တူညီသော မျိုးရင်းတွင် ပါဝင်ပါသည်။ တစ်ရာသီပင်အမျိုးအစားဖြစ်ပြီး ကိုင်းဂွများသော ပင်ထောင် မျိုးဖြစ်ပါသည်။ ရေသောက်မြစ်ပါရှိ၍ ရေငတ်ဒဏ် အတော်အသင့်ခံနိုင်သည်။ အပင်အမြင့် (၃) ပေခန့်ထိ ကြီးထွားတတ်သည်။ အရွက်တွင် အမွှေးများ ထူထပ်စွာ ပေါက်ရောက်နေသည်။ တစ်ပင်တွင် ပန်းပွင့် (၃၀ -၄၀) ခန့်ပွင့်တတ်ပါသည်။

ရာသီဥတု

ပန်းနှမ်းသီးနှံပင်သည် နေ့တာကို ကြိုက်သော သီးနှံပင်ဖြစ်သည်။ သမပိုင်းဒေသသီးနှံဖြစ်သော်လည်း ပူနွေးသော ဒေသများတွင်ပါဖြစ် ထွန်းနိုင်ပါသည်။ ပင်လယ်ပြင်မှ အမြင့်ပေ (၆၀၀ – ၇၅၀၀) အထိ  ဖြစ်ထွန်းသည်။ သို့သော် ၄င်းထက်ပိုမိုမြင့်မားသော ဒေသများတွင် လည်း ပေါက်ရောက်နိုင်ပါသည်။

အပူချိ်န် (၁၈ – ၂၃) ဒီဂရီစင်တီဂရိတ်အတွင်း ကောင်းစွာ ဖြစ်ထွန်းသည်။ (၃၀) ဒီဂရီစင်တီဂရိတ်ထက် ကျော်လွန်ပါက အပင်ကြီးထွား ဖွံ့ဖြိုးမှု၊ ပန်းပွင့်မှုကို လျော့ကျစေသည်။ မိုးရေချိန် (၄၀ – ၅၀) လက်မတွင် အပင်ကောင်းစွာ ဖြစ်ထွန်းသော်လည်း (၈၀) လက်မထက် ကျော်လွန်ပါက ထိခိုက်မှုရှိစေသည်။

ပန်းပွင့်များ ဖြိုင်ဖြိုင်ပွင့်ချိန်နှင့် ရင့်မှည့်ချိန်တွင် မိုးသည်းထန်မှု၊ အပူချိန်ပြင်းထန်မှုနှင့် နှင်းခါးရိုက်မှုဒဏ်များ ခံရပါက အထွက်ကို အထူး ထိခိုက်စေသည်။ တောင်ပေါ်ဒေသများတွင် ယင်းပြဿနာကို ကြုံတွေ့ရတတ်သည်။

မြေအမျိုးအစား

ပန်းနှမ်း သီးနှံပင်သည် မြေအမျိုးအစားမရွေး ပေါက်ရောက် ဖြစ်ထွန်းနိုင်ပါသည်။ သို့ရာတွင် မြေစေးပါသော နုန်းမြေနှင့် သဲရောမြေစေး များတွင် ပိုမို ဖြစ်ထွန်းနိုင်ပါသည်။ စေးလွန်းသော မြေများတွင်မူ စိုက်ပျိုးရန် မသင့်လျော်ပါ။ ပန်းနှမ်းသီးနှံပင် နှစ်သက်သော မြေအချဉ် အငံဓါတ် (pH) မှာ (၅.၂ – ၆.၅) ဖြစ်ပါသည်။

ပန်းနှမ်းမျိုးများ

ဒေသကြိုက်နှစ်သက် သုံးစွဲမှုပေါ်မူတည်၍ စိုက်ပျိုးနေသော ဆီထွက်သီးနှံတစ်မျိုးဖြစ်ပြီး၊ လက်ရှိအားဖြင့် ဒေသမျိုးများသာ ကျယ်ပြန့်စွာ စိုက်ပျိုးနေပါသေးသည်။ အဓိကအားဖြင့် သက်ကြီးမျိုးများနှင့် သက်ငယ်မျိုးများဟူ၍ (၂)မျိုးရှိရာ၊သက်ကြီးမျိုးများမှာ သက်တမ်း (၁၂၀ – ၁၅၀) ရက်ရှိပြီး သက်ငယ်မျိုးများမှာ သက်တမ်း (၉၀ – ၁၂၀) ရက်ရှိ်ပါသည်။

ပင်ကြားဝတ်မှုန်ကူးသော သီးနှံဖြစ်၍ မျိုးသန့်ရန်သီးခြား တစ်ကွင်း တစ်စပ်တည်း စိုက်ပျိုးရန်လိုပါသည်။ ယခုအခါ အလင်းရောင် တုန့်ပြန် မှု နည်း၍ အအေးဒဏ်ခံနိုင်သောမျိုးများ၊ မိုးရာသီတွင် စိုက်ပျိုးနိုင်သော မျိုးများရရှိစေရန် ဆောင်ရွက်လျက်ရှိသည်။

သီးနှံပင် သဘာဝအရ၊ ရေကြမ်း၊ မြေကြမ်းခံနိုင်ပြီး၊ မြန်မာနိုင်ငံ အနှံ့အပြားတွင် စိုက်ပျိုးဖြစ်ထွန်းနိုင်ပါသည်။

စိုက်ပျိုးခြင်း

ပန်းနှမ်းကို သီးသန့်စိုက်ခင်းအနေဖြင့် စိုက်ပျိုးနိုင်ပါသည်။ အထူးသဖြင့် အခြားသီးနှံများ စိုက်ပျိုးဖြစ်ထွန်းမှု မရှိသော မြေများတွင် အရင်း အနှီးနည်းနည်းဖြင့် စိုက်ပျိုးဖြစ်ထွန်းနိုင်ပါသည်။

သီးထပ်အနေဖြင့်လည်း ယာစပါး၊ မိုးနှမ်း၊ မိုးမြေပဲ၊ အစေ့ထုတ်ပြောင်းသီးနှံများ ရိတ်သိမ်းပြီးနောက်ဆက်လက်စိုက်ပျိုးနိုင်ပါသည်။

ကြားသီးနှံအနေဖြင့် ဥယျာဉ်ခြံများ အထူးသဖြင့် ရော်ဘာစိုက်ခင်းများတွင် စိုက်ပျိုးနိုင်သည်။ နှစ်ရှည်ပင်များအကြားတွင် စိုက်ပျိုးခြင်းဖြင့် နှစ်ရှည်စိုက်ခင်းများတွင် ပေါင်းမြက်ပြဿနာကို ဖြေရှင်းပြီး ဖြစ်ခြင်း၊ ဆီဖူလုံရေးအတွက် အထောက်အကူဖြစ်စေခြင်း အပိုဝင်ငွေ ရရှိ စေခြင်း စသည့် အကျိုးကျေးဇူးများရရှိနိုင်ပါသည်။

နေရာဒေသအလိုက် သတ်မှတ်ထားသော စိုက်ချိန်များထက် နောက်ကျ မစိုက်သင့်ပါ။ အလင်းရောင်တုန့်ပြန်မှုရှိသော သီးနှံဖြစ်၍ စိုက် ချိန်နောက်ကျပါက အပင်ကြီးထွားမှုကို ထိခိုက်စေပြီး ပန်းပွင့်မှုအားနည်းခြင်း အစေ့အဆံမအောင်မြင်ခြင်း၊ အထွက်နှုန်းယုတ်လျော့ခြင်း များ ဖြစ်တက်ပါသည်။

စိုက်ပျိုးသုတ ပစ္စယ (Pissaya Info)




Leave a Reply

Your email address will not be published. Required fields are marked *

WordPress spam blocked by CleanTalk.